Tags-Mausam

kaise mausam meñ kahāñ rāhat-e-jāñ utregā
aisī sab bāteñ dil-e-rañj-e-talab jāntā hai

chale aate haiñ be-mausam kī bārish kī tarah aañsū
basā-auqāt rone kā sabab kuchh bhī nahīñ hotā

kuchh phuul haath par mire kuchh ḳhaar jism meñ
'saulat' ye kis bahār kā mausam rahā huuñ maiñ

barf ke phuul khile dhuup ke daane nikle
ab ke mausam meñ sabhī ḳhvāb suhāne nikle

koī mausam bhī hasb-e-hāl nahīñ
phir bhī dil meñ koī malāl nahīñ

ga.e mausam meñ maiñ ne kyuuñ na kaaTī fasl ḳhvāboñ kī
maiñ ab jaagī huuñ jab phal kho chuke haiñ zā.iqa apnā

batā rahī hai ye ḳhushk pattoñ kī tez bārish
ham apne mausam kī ibtidā tak pahuñch ga.e haiñ

gulāboñ aur gardanoñ se andāza ho rahā hai
ki ham kisī mausam-e-jazā tak pahuñch ga.e haiñ

maiñ jis meñ rah na sakā jī-huzūriyoñ ke sabab
ye aadmī hai usī kāmyāb mausam kā

na baḌhā.e aur duurī koī aane vaalā mausam
chalo fāsle miTā leñ ki abhī darār kam hai

kyuuñ sadā pahne vo terā hī pasandīda libās
kuchh to mausam ke mutābiq bhī sañvarnā hai use

is gulshan-e-hayāt meñ rañg-e-ḳhizāñ ke saath
ik mausam-e-bahār bhī paidā kiyā gayā

khilā ġhuncha na dil kā garche gulshan meñ bahār aa.ī
havā-e-mausam-e-gul bhī na us ko sāzgār aa.ī

ga.e mausam meñ jo khilte the gulāboñ kī tarah
dil pe utreñge vahī ḳhvāb azāboñ kī tarah

ai mausam-e-bahār Thahar aa rahā huuñ maiñ
dāmān-e-chāk-chāk kī baḳhiya-garī ke ba.ad

hai Dher raakh tale intizār kā mausam

fareb ḳhud ko nā degā to aur kyā degā
nā raas aa.e jise e'tibār kā mausam

ḳhizāñ meñ oḌh ke qaul-o-qarār kā mausam
bahār DhūñD rahī hai bahār kā mausam

mausam-e-sheb meñ be-fā.eda hai la.ab-e-shabāb
kab samar deve hai jo naḳhl ḳhizāñ par aayā