Tags-Mazhab

na millat hai na maz.hab hai na hai matlab koī apnā
visāl-e-yār maz.hab hai aur hai dīdār se matlab

'mīr'-sāhib ko muñh dikhānā thā
maz.hab-e-ishq iḳhtiyār kiyā

merā maz.hab ishq kā maz.hab jis meñ koī tafrīq nahīñ
mere halqe meñ aate haiñ 'tulsī' bhī aur 'jāmī' bhī

udhar maz.hab idhar insāñ kī fitrat kā taqāzā hai
vo dāmān-e-mah-e-kan.āñ hai ye dast-e-zuleḳhā hai

diloñ meñ rahiye jahāñ ke vale ḳhudā ke Dhab
ki ho jahāñ pe na zāhir ye hai mirā maz.hab

maz.hab kā ho kyūñkar ilm-o-amal dil hī nahīñ bhaa.ī ek taraf
cricket kī khilā.ī ek taraf collage kī paḌhā.ī ek taraf

maz.hab kā to dam vo bharte haiñ be-parda butoñ ko karte haiñ
islām kā da.avā ek taraf ye kāfir-adā.ī ek taraf

pyaar kā dard kā maz.hab nahīñ hotā koī
ka.aba-o-dair se matlab nahīñ hotā koī

vo aayā thā miTāne ke liye tafrīq maz.hab kī
dam-e-āḳhir bhī kī jis ne itā.at ek hī rab kī

bādal meñ har maz.hab ke rab rahte haiñ
dekhī kyā maz.hab kī laḌā.ī bādal par

maz.hab nahīñ sikhātā aapas meñ bair rakhnā
hindī haiñ ham vatan hai hindostāñ hamārā

saḳht kāfir thā jin ne pahle 'mīr'
maz.hab-e-ishq iḳhtiyār kiyā

merā maz.hab ishq kā maz.hab jis meñ koī tafrīq nahīñ
mere halqe meñ aate haiñ 'tulsī' bhī aur 'jāmī' bhī

yaqīn jaano tumhāre jaane ke ba.ad koī rachā na maz.hab
tumhārī tasbīh tumhāre sajde tumhāre kalme bulā rahe haiñ

na pī thī ham ne ye mai to jab tak 'nazīr' ham meñ thā dīn-o-īmāñ
lagā laboñ se vo jaam phir to kahāñ kā diin aur kahāñ kā maz.hab

ḳhudā aur aadmī donoñ agar ain-e-haqīqat haiñ
haqīqat meñ hai kyā maz.hab tumheñ bhī sochnā hogā

sar āñkhoñ se kareñ sajda jidhar abrū hilā.e vo
judā kuchh kufr aur islām se maz.hab hamārā hai

aur to haiñ rivāyateñ maz.hab-e-ishq hai sahīh
roz atā ho shauq se vahī na.ī nayā sabaq

diin se duur, na maz.hab se alag baiThā huuñ
terī dahlīz pe huuñ, sab se alag baiThā huuñ

sab phūñk diye ḳhār-o-ḳhas-e-maz.hab-o-millat
allāh-re yak-sho.ala-e-ruḳhsār-e-mohabbat