Tags-Mazhab

kañkar patthar kī tāmīreñ maz.hab kā mafhūm nahīñ
zehnoñ kī ta.amīr bhī kiije gumbad aur mehrāb ke saath

aqā.ed vahm haiñ maz.hab ḳhayāl-e-ḳhām hai saaqī
azal se zehn-e-insāñ basta-e-auhām hai saaqī

hastī koī aisī bhī hai insāñ ke sivā aur
maz.hab kā ḳhudā aur hai matlab kā ḳhudā aur

vahī haiñ qatl-o-ġhārat aur vahī kohrām hai saaqī
tamaddun aur maz.hab kī ye ḳhūnī shaam hai saaqī

yahāñ tasbīh kā halqa vahāñ zunnār kā phandā
asīrī lāzmī hai maz.hab-e-shaiḳh-o-barahman meñ

jo had-e-taqvā adā na hove to apnā maz.hab yahī hai 'ġhālib'
havas na rah jaa.e koī baaqī gunāh kiije to ḳhuub kiije

tere maz.hab meñ hifāzat aabrū kī hai gunāh
māñgtī hai terī bātoñ se nissā.iyat panāh

nasl-o-mazhab kī koī qaid nahīñ hai 'gauhar'
zikr har lab pe ba-alfāz-e-digar terā hai

qaid-e-maz.hab kī giraftārī se chhuT jaatā hai
ho na dīvāna to hai aql se insāñ ḳhālī

kaun sī raah chalūñ kufr mohabbat sach kah
kaam aa.egā vahāñ maz.hab-e-islām ki tū

apne maz.hab meñ hai nifāq harām
jis se milte haiñ jī se milte haiñ

ho nahīñ saktā ki vo ārām le din ko kabhī
kufr hai maz.hab meñ us ke kāhilī kī zindagī

be-jurm o gunāh qatl-e-āshiq
maz.hab meñ tire savāb dekhā

uThā dī qaid-e-maz.hab dil se ham ne
qafas se tā.ir-e-idrāk niklā

kuchh is qadar bhī burā.ī nahīñ hai maz.hab meñ
jahān kalma-e-lā-taqnatū se zinda hai

raushnī kī koī sarhad nahīñ
koī maz.hab nahīñ

shahr-e-qāzī tire fatvoñ se ġharaz kyā mujh ko
rab mirā dil mirā marzī mirī maz.hab merā

kareñ kyā riñd mashrab iḳhtiyār ik maz.hab ai vaa.iz
nahīñ dil toḌnā manzūr haftād-o-do-millat kā

apnī marzī se to maz.hab bhī nahīñ us ne chunā thā
us kā maz.hab thā jo maañ baap se hī us ne virāsat meñ liyā thā

aaj tañg aa ke ye nāseh ko diyā maiñ ne javāb
maz.hab-e-shaiḳh judā mashrab-e-rindāna judā