Tags-Mazi

maiñ ab maazī kā har sapnā suhāna bhuul jaatā huuñ
mirī jānāñ tirā milnā-milānā bhuul jaatā huuñ

ye badaltī qadreñ hī hāsil-e-zamāna haiñ
baar baar maazī ke yuuñ varaq na ulTā kar

lo vo chāh-e-shab se niklā pichhle-pahar piilā mahtāb
zehn ne kholī rukte rukte maazī kī pārīna kitāb

ik fasāna hai shaukat-e-māzī
dekh lo ḳhasta-hāl haiñ ham log

ġhazal ke shānoñ pe ḳhvāb-e-hastī ba-chashm-e-pur-nam Thahar ga.e haiñ
ye kis ne chheḌī hai tān-e-māzī rabāb-o-sargam Thahar ga.e haiñ

ahd-e-māzī ke jharokoñ se chalī aatī haiñ
muskurātī huī yādeñ merī

tāq-e-māzī meñ jo rakkhe the sajā kar chehre
le ga.ī tez havā ġham kī uḌā kar chehre

terī sadā.eñ aa.iiñ jo maazī kī samt se
ham ruk ga.e haiñ paañv baḌhāne ke bāvajūd

kar diyā hāfize meñ hashr bapā
aur maazī meñ zindagī bhar dī

dekhiye ā.īna-e-pīrī meñ phir bachpan kā haal
ahd-e-māzī kī jhalak kuchh ahd-e-mustaqbil meñ hai

ilm-o-hunar ko kaam meñ laao mustaqbil kī fikr karo
haal meñ maazī kī bhūloñ par pachhtāne se kyā hogā

maiñ siyah malbūs guzre vaqt kā huuñ mātamī
ziist ne sauñpī hai maazī kī azā-dārī mujhe

kis sitamgar ne uḌā lī yād-e-māzī kī bayāz
har galī har moḌ par qissa bayāñ hone lagā

dahr meñ maazī bhī thā terā na bhuul
aane vaale kal meñ bhī vishvās rakh

mire shabāb mirī zindagī mire maazī
zabān-e-hāl se ik baar phir pukār mujhe

kabhī maazī kā jaise tazkira ho
zabāñ par is tarah laayā gayā huuñ

ghir ga.ī hai do zamānoñ kī kashākash meñ hayāt
ik taraf zanjīr-e-māzī ek jānib haal hai

kyā liyā ham ne apne maazī se
nīm-murda rivāyatoñ ke sivā

bhaTak rahā huuñ ki fardā kā rāsta gum hai
qadam qadam mirā maazī hai mere haal ke saath

zarūr us meñ maazī ke aaseb haiñ
sisaktā bahut hai khañDar rāt-bhar