Tags-Mehfil

kahīñ rusvā tirā shaidā sar-e-mahfil na ho jaa.e
pareshānī junūn-e-ishq kā hāsil na ho jaa.e

muddatoñ mahfil-e-sāqī meñ rahe haiñ lekin
jaam chhūne ke gunahgār na hone paa.e

shab bhar har ik ḳhayāl muḳhātib mujhī se thā
tanhā.iyoñ meñ raunaq-e-mahfil bhī maiñ hī thā

''patthar kī zabāñ'' kī shā.era ne
ik mahfil-e-sher-o-shā.erī meñ

'baqā' jo baar na de ham ko apnī mahfil meñ
to marg o zindagī apnī baham barābar hai

mujh ko is mahfil meñ jaanā hī na thā
dil fidā-e-rū-e-ḳhūbāñ ho gayā

mahfil meñ sher hī nahīñ kuchh raushnī ba-dosh
anvār ham ne dil kī fazāoñ meñ rakh diye

jab us mahfil ko ham kahte haiñ apnā
phir us mahfil meñ fikr-e-besh-o-kam kyā

merī mahfil thā mirī ḳhalvat-e-jāñ thā kyā thā
vo ajab shaḳhs thā ik rāz-e-nihāñ thā kyā thā

ilm-o-hunar ke faiz se ilm-o-hunar ke bāvajūd
mahfil-e-zīst meñ 'nazīr' rañg hai raushnī nahīñ

tab-o-tāb-e-ishq kā hai karam ki jamī hai mahfil-e-chashm-e-nam
zarā dekhiyo ai havā-e-ġham ye charāġh koī bujhā na de

luT ga.ī zindagī bujh ga.e diip bhī duur tak phir na baaqī rahī raushnī
is añdhere meñ bhī ham tirī yaad se apnī vīrān mahfil sajāte rahe

maiñ tirā jalva tū merā dil hai mere ham-nashīñ
maiñ tirī mahfil meñ huuñ aur tū mirī mahfil meñ hai

mahfil meñ agar zikr ho arbāb-e-vafā kā
aisā nahīñ 'rāhat' ki tirā naam na hogā

falak dushman muḳhālif gardish-e-ayyām hai saaqī
magar ham haiñ tirī mahfil hai daur-e-jām hai saaqī

mai-kade kī istelāhoñ meñ bahut kuchh kah ga.e
varna is mahfil meñ dastūr-e-zabāñ-bandī bhī hai

jaane thī gurez un ko yā ki sharm mahfil meñ
raat mujh se katrā.e vo nazar milāne se

husn-e-jānāñ ishq kā jaadū raqs-o-mastī dard kī lai
is mahfil kī jaltī bujhtī saarī shāmeñ terī haiñ

ham vo majrūh-e-ziyārat ki sar-e-mahfil bhī
aañkh rakhte haiñ usī parda-nashīñ par sāhab