Tags-Mehfil

koī mahfil bhī nahīñ jo na ho tā.īd-talab
dar-ba-dar jur.at-e-inkār liye phirtī hai

terī mahfil se uThātā ġhair mujh ko kyā majāl
dekhtā thā maiñ ki tū ne bhī ishāra kar diyā

agar mashq-e-suḳhan terī yūñhī jaarī rahī 'beḳhud'
tū rañg afroz-e-mahfil hogā tū rañgīñ bayāñ hogā

tanhā.iyoñ ne mujh ko navāzā tamām umr
mahfil ke shor meñ ba-ḳhudā dil nahīñ lagā

nāniyat kā nasha ban ke chhā na mahfil par
utarnā hai to utar kar sharāb-e-nāb meñ aa

phir kabhī ho ki na ho milne kī sūrat paidā
chand saa.at hī chale mahfil-e-yārāñ kuchh aur

dekhte hī mujhe mahfil meñ ye irshād huā
kaun baiThā hai use log uThāte bhī nahīñ

har ik goshe meñ jaise hashr barpā
na.e fitne hoñ vo mahfil ho ham hoñ

kuchh aise bhī haiñ jo mahfil meñ tishna-kām rahte haiñ
nigāh-e-lutf haTtī hai agar paimāna aatā hai

har shaam jo aa jaate haiñ mahfil ko sajāne
ye dost hamāre bhī bikhar jā.eñge ik din

raat us kī mahfil meñ sar se jal ke paañv tak
sham.a kī pighal charbī ustuḳhāñ nikal aa.ī

ik qahr huā kartī hai ye mahfil-e-mai hai bhī
jab hoñT kisī aur kā ho jaam kisī kā

magar ye rabt hai kaisā ye kyā ta.alluq hai
ki jab bhī haar ke uTThā jahāñ kī mahfil se

zikr-e-ġham bazm-e-yār meñ 'zebā'
rañg bhī dekhte ho mahfil kā

kyā qarīne se gul haiñ gulshan meñ
rañg uḌāyā kisī ke mahfil kā

ye lutf to dekho ki vo mahfil meñ mirī samt
nigrāñ haiñ ki jaise mujhe pahchān rahe haiñ

raat us kī mahfil meñ sar se jal ke paañv tak
sham.a kī pighal charbī ustuḳhāñ nikal aa.ī

ḳhair apnā nahīñ bāġhī hī samajh kar ham ko
terī mahfil meñ kisī taur bulāyā to gayā

'hasrat' tirī nigāh-e-mohabbat ko kyā kahūñ
mahfil meñ raat un se sharārat na ho sakī

ham jaan ke un kī mahfil meñ aġhyār kī bāteñ karte haiñ
phūloñ ko satāne kī ḳhātir ham ḳhaar kī bāteñ karte haiñ