Tags-Mehfil

mahfil se jo uThte the zarā ham to lipaT kar
nāzuk-badnāñ mū-kamarāñ dast-o-kamar the

mujh par uThā rahe haiñ jo mahfil meñ uñgliyāñ
apnī haqīqatoñ pe to āḳhir nazar kareñ

mizāj-e-mahfil-e-gītī agar na barham ho
to rañg-e-aish ko gard-e-ruḳh-e-malāl kahūñ

agar terī ḳhushī hai tere bandoñ kī masarrat meñ
to ai mere ḳhudā terī ḳhushī se kuchh nahīñ hotā

badan ko jaanā hai pahlī baar aaj ruuh kī mahfil-e-tarab meñ
to aisā lagtā hai jaise koī navāb tayyār ho rahā hai

kuchh nazar aa rahe haiñ mahfil meñ
dekh lo māhtāb sach-much ke

mahfil mahfil sannāTe haiñ
dard kī guuñj pe kaan dhare haiñ

'az.har' samā.ateñ haiñ latīfoñ kī muntazir
mahfil meñ apne sher kise ab sunā.eñ ham

koī nālāñ koī giryāñ koī bismil ho gayā
us ke uThte hī digar-gūñ rañg-e-mahfil ho gayā

fasl-e-gul kuchh bhī nahīñ bād-e-sabā kuchh bhī nahīñ
terī mahfil ho to jannat kī fazā kuchh bhī nahīñ

sard-mehrī se tirī mahfil meñ
jal-bujhe log na jaane kitne

yaad meñ ek marne vaale kī
aaj mahfil kā in.iqād kareñ

pahle kabhī mahfil jamtī thī mahfil meñ kahīñ tum hote the
ab kuchh bhī nahīñ yādoñ ke sivā, bas maiñ huuñ mirī tanhā.ī hai

sab harīs-e-chashm-e-bāda-rez is mahfil meñ the
ham khulī dāvat bhī pā kar be-niyāzāna rahe

ham ne maiḳhāne meñ jaanī nahīñ karnī tafrīq
jo bhī baiThā mirī mahfil meñ gunahgār uThā

shaiḳh-jī mahfil-e-rindāñ se ye kahte nikle
shukr-sad-shukr ki bāzār meñ izzat na ga.ī

aa ke mahfil meñ tirī kaun mire dil se uThā
koī uTThā bhī mirī tarah to mushkil se uThā

uTh ga.ī us kī nazar maiñ jo muqābil se uThā
varna uThne ke liye ġhair bhī mahfil se uThā

sa.ī-e-iz.hār 'ziyā' kāñch ke TuuTe hue lafz
ārzūeñ haiñ kisī mahfil-e-barham kī tarah

mahfil kā nuur marja-e-aġhyār kaun hai
ham meñ halāk-e-tāle-e-bedār kaun hai