Tags-Mehfil

mahfil-e-dost meñ go sīna-figār aa.e haiñ
sūrat-e-naġhma ba-andāza-e-bahār aa.e haiñ

na sham.a kāñpī na giit Duube uThe jo ham un kī anjuman se
chalo bas achchhā huā ki aise kahāñ ke mahfil-faroz the ham

tamīz apne meñ ġhair meñ kyā tumheñ jo apnā na kar sake ham
har ek mahfil huī gavārā tumhārī mahfil se kyā uThe ham

sar-e-mahfil churānā mujh se dāman is kā zāmin hai
nahīñ aayā agar mujh tak ba-andāz-e-digar aayā

yaad ne aa kar yakāyak parda khīñchā duur tak
maiñ bharī mahfil meñ baiThā thā ki tanhā ho gayā

ye ġhalat ki mahfil-e-nāz meñ koī āshnā-e-nazar na thā
koī tum se kah to rahā thā kuchh magar aah tum ne sunā nahīñ

is mahfil meñ maiñ bhī kyā bebāk huā
aib o hunar kā saarā parda chaak huā

parvāne kī ḳhaak pareshāñ sham.a kī lau bhī larzāñ larzāñ
mahfil kī mahfil hai vīrāñ kaun kare ab kis kā mātam

dhīmā dhīmā sā nuur jaise tah-e-sāz
baḌhtā jaatā hai chhaTke tāroñ kā gudāz

mahfil-e-sāqī meñ thā kuchh aur hī mastoñ kā rañg
koī sāġhar DhūñDhtā thā aur koī behosh thā

un kī mahfil hairat-e-ālam sahī
ġhair ham-pahlū jahāñ ho jaa.eñ kyā

chehroñ pe jo Daale hue baiThe haiñ naqābeñ
un logoñ ko mahfil se uThā kyuuñ nahīñ dete

apnī apnī zaat meñ gum haiñ ahl-e-dil bhī ahl-e-nazar bhī
mahfil meñ dil kyuuñ kar bahle mahfil meñ tanhā.ī bahut hai

zarā lau aur dil kī tez kar siilā sā ye sho.ala
na raushan kar sakā ghar ko na mahfil hī ke kaam aayā

tajraba dil meñ rahe to khule aañsū ban ban kar
aur kāġhaz pe chhalak jaa.e to sham-e-mahfil hai

qubūl gar na kare vo to kyā hameñ sar-e-shām
gulāb mahfil-e-zill-e-ilāh meñ rakhnā

kis lutf se mahfil meñ biThā.e ga.e ham log
kyā raaz thā ḳhātir meñ jo laa.e ga.e ham log

merī hī nazar 'shā.ir' rusvā hai zamāne meñ
husn-e-sar-e-mahfil par ilzām nahīñ aatā

sham.a be-parvāna jalva be-nagar
kyā hue āḳhir vo mahfil-āshnā

baiThte hī baiThte mahfil meñ be-ḳhud ho gayā
dekhte hī dekhte ruḳhsat tavānā.ī huī