Collections

Lab Shayari

Motivational Ghazals

Best Khamoshi Shayari

More Collections

Tags-Mehndi

merī hatheliyoñ pe rache zaḳhm zaḳhm rañg
'bāno' maiñ in meñ bū-e-hinā DhūñDhtī rahī

titli qafas mein qaid-e-saba DhunDhti rahi

us ke hāthoñ kī nafāsat pe girāñ thī mehñdī
aa ga.ī yaad use rasm-e-hinā par merī

war bharpur kiya usne ana par meri

chahchahā rañg mire ḳhuun kā sā
tire paañv kī hinā rakhtī hai

zulf agar dil ko phansa rakhti hai

hai ek dil ko ijāzat yahāñ dhaḌakne kī
hathelī aur hinā kā mo.āmla hai huzūr

baqa ka aur fana ka moamla hai huzur

vo haath un ke chūmtī hai maiñ huuñ pā.emāl
ye haiñ mire nasīb vo qismat hinā kī hai

ismat ka hai lihaz na parwa haya ki hai

qabā-e-zard pahan kar vo bazm meñ aayā
gul-e-hinā ko hathelī meñ thaam kar baiThā

KHumar-e-shab mein use main salam kar baiTha

ġhair albatta tire paañv meñ malte haiñ hinā
maiñ to aa kar kaf-e-afsos hī mal jaatā huuñ

ghair hanste hain faqat is liye Tal jata hun

aise nāzuk kabhī pāband-e-hinā hote haiñ
haath dho Daale haiñ rañgat jo zarā aa.ī hai

jhum kar aaj jo matwali ghaTa aai hai

vahī ḳhūn-e-shahīd-e-nāz ab barbād hotā hai
rahā ban kar jo tere haath meñ rañg-e-hinā barsoñ

haram mein muddaton DhunDa shiwalon mein phira barson

yā tire paañv meñ lage yā mile ḳhaak meñ tamām
dil ko maiñ ḳhuun kar chukā misl-e-hinā jo ho so ho

dil ko main aaj nasehan usko diya jo ho so ho

kholeñge unhīñ hāthoñ ke nāḳhun girah-e-dil
jo basta haiñ rañgīnī-o-ḳhushbū-e-hinā se

lipTi hui phirti hai nasim unki qaba se

vo haath jaise kahīñ ab bhī dil pe rakkhā ho
hinā ko bāñdhtā rahtā huuñ apne sheroñ meñ

ana ko bandhta rahta hun apne sheron mein

sarishk rañg na baḳhshe to kyuuñ ho bār-e-mizha
lahū hinā nahīñ bantā to kyuuñ badan meñ rahe

hamein shuur-e-junun hai ki jis chaman mein rahe

is baam se niklegā tire husn kā ḳhurshīd
is kunj se phūTegī kiran rañg-e-hinā kī

do ishq

jhulas gayā hai peḌ ye hinā kā jab se dhuup meñ
hamāre gaañv kī na.ī-naveliyāñ udaas haiñ

kahaniyan KHamosh hain paheliyan udas hain

bin aa.ī hai mire dast-e-havas kī vasl kī shab
hinā lagā.e jo vo mast-e-ḳhvāb haath meñ hai

wo ham-kanar hai jam-e-sharab hath mein hai

kushta-e-rañg-e-hinā huuñ maiñ ajab is kā kyā
ki mirī ḳhaak se mehñdī kā shajar paidā ho

kushta-e-rang-e-hina hun main ojab is ka kya

ḳhūn-e-dil aur nahīñ rañg-e-hinā aur nahīñ
ek hī rañg meñ haiñ shahr ke manzar saare

logo hum chhan chuke ja ke samundar sare

batā.iye kaf-e-mahbūb dast-e-qātil ko
lahū ke daaġh ko gul-kārī-e-hinā kahiye

wo be-ruKHi ki taghaful ki intiha kahiye

shoḳhī-e-rañg-e-hinā ḳhūn-e-vafā se kab tak
āḳhir ai ahd-shikan tū bhī pashemāñ niklā

shauq har rang raqib-e-sar-o-saman nikla