Tags-Mohabbat

tire baġhair jo ḳhvāboñ ke shahr meñ bhī dost
mirā mizāj hai barham yahī mohabbat hai

visāl-rut ho furqat hamāre dil meñ sanam
jo bekalī sī hai dam dam yahī mohabbat hai

mirā yaqīn ki yaum-e-alast meñ 'kāshif'
kiyā gayā hameñ bāham yahī mohabbat hai

huī hai mehrbāñ un kī nazar āhista āhista
huā tai ye mohabbat kā safar āhista āhista

kiyā thā ishq ne tārāj jis sehn-e-gulistāñ ko
maiñ ab us par mohabbat ko nigahbāñ kar ke chhoḌūñgā

lazzat-e-dard milī jurm-e-mohabbat meñ use
vo sazā paa.ī hai dal ne ki ḳhatā jhuum uThī

vafā kī raah meñ chup-chāp chalte rahne se
gurez-kosh mohabbat qadam qadam pe khulī

ye mohabbat kī javānī kā samāñ hai ki nahīñ
ab mire zer-e-qadam kāhkashāñ hai ki nahīñ

shukriya ahbāb kā jin kī mohabbat ke tufail
mujh se kuchh aage hī aage merā afsāna chale

jo mohabbat meñ ham pe guzrā hai
tum pe vo vaqt abhī kahāñ guzrā

thā be-numū sā mujh meñ ik paudhā mohabbat kā
ye mo.ajiza hai terā jo is pe kalī aa.ī

is ishq kī majbūrī nāseh pe khulī jab se
kar man.a-e-mohabbat kā irshād bahut royā

anjām mohabbat kā būjhā thā magar us ko
jab dil lagā shīrīñ se farhād bahut royā

duniyā-e-dūñ kī de na mohabbat ḳhudā 'zafar'
insāñ ko pheñk de hai ye īmān o diiñ se duur

chāheñ haiñ ye ham bhī ki rahe paak mohabbat
par jis meñ ye duurī ho vo kyā ḳhaak mohabbat

kuchh qadr to karte mire iz.hār vafā kī
shāyad ye mohabbat hī nahīñ aap ke nazdīk

ziyān-e-dil hī is bāzār meñ sūd-e-mohabbat hai
yahāñ hai fā.eda ḳhud ko agar nuqsān meñ rakh leñ

āḳhir-e-kār tirā hijr mayassar aayā
ab kahīñ jā ke mohabbat mire kaam aa.ī hai

kabhī mohabbat se baaz rahne kā dhyān aa.e to sochtā huuñ
ye zahr itne dinoñ se mere vajūd meñ kaise pal rahā hai

dil qābil-e-mohabbat-e-jānāñ nahīñ rahā
vo valvala vo josh vo tuġhiyāñ nahīñ rahā