Tags-Mohabbat

junūn-e-mohabbat kā dīvāna huuñ maiñ
mire sar meñ saudā-e-hikmat nahīñ hai

har chiiz zamāne kī ā.īna-dil hotī
ḳhāmosh mohabbat kā itnā to sila hotā

bhaa.ī bahnoñ kī mohabbat kā nasha mat pochhiye
be-takalluf ho ga.e to gudgudī tak aa ga.e

dekhī jaatī hai mohabbat meñ har ik jumbish-e-dil
sirf sāñsoñ kī rehearsal nahīñ dekhī jaatī

lo ham bhī aaj to 'tābāñ' fareb khā baiThe
kisī ne yūñhī mohabbat se jā ke luuT liyā

ādāb-e-mohabbat meñ bhī ajab do dil milne ko raazī haiñ
lekin ye takalluf haa.il hai pahlā vo ishārā kaun kare

maiñ vo huuñ bulbul-e-bāġh-e-jahāñ koī gul ho
diyā dil us ko mohabbat kī jis meñ bū paa.ī

ik hasīñ dilkash mohabbat ham ne kī
yuuñ mukammal ik ibādat ham ne kī

aise rakhtī hai hameñ terī mohabbat zinda
jis tarah jism ko sāñsoñ kī harārat zinda

gaañv meñ mohabbat kī rasm hai abhī 'manzar'
shahr meñ hamāre to jo bhī hai madārī hai

dilkashī thī unsiyat thī yā mohabbat yā junūn
sab marāhil tujh se jo mansūb the achchhe lage

āġhāz-e-mohabbat hai aur dil yuuñ haath se niklā jaatā hai
jaise kisī alhaḌ kā āñchal sarkā jaa.e Dhalkā jaa.e

'vazīr' tuḳhm-e-mohabbat ko dil meñ bo apne
zamīñ vo shor hai jis meñ uge na dāna-e-ishq

shahīd-e-ilm bhī huuñ zinda-e-mohabbat bhī
ba-faiz-e-zauq-e-salīm-o-tabī.at-e-mauzūñ

dil ne be-sāḳhta ye pukārā tū bhulāne ke qābil nahīñ hai
chāchā nehru tumhārī mohabbat bhuul jaane ke qābil nahīñ hai

haañ tumhārā jo naqsh-e-qadam hai vo miTāne ke qābil nahīñ hai
chāchā nehru tumhārī mohabbat bhuul jaane ke qābil nahīñ hai

jo diyā tum ne raushan kiyā hai vo bujhāne ke qābil nahīñ hai
chāchā nehru tumhārī mohabbat bhuul jaane ke qābil nahīñ hai

aap kī rahbarī jo na maane is zamāne ke qābil nahīñ hai
chāchā nehru tumhārī mohabbat bhuul jaane ke qābil nahīñ hai

aam sī ik baat thī apnī mohabbat bhī magar
ye bhī jab logoñ talak pahuñchī kahānī ho ga.ī

tark-e-vafā bhī jurm-e-mohabbat sahī magar
milne lageñ vafā kī sazā.eñ to kyā kareñ