Tags-Mohabbat

mohabbat meñ Thanī aksar yahāñ tak
ki pahuñche mārke tiir o kamāñ tak

vo aur hoñge nufūs be-dil jo kahkashā.eñ shumārte haiñ
ye raat hai puure chāñd kī ham tirī mohabbat hisārte haiñ

kahā thā naañ
mohabbat ḳhaak kar degī

tum hī batlāo ki us kī qadr kyā hogī tumheñ
jo mohabbat muft meñ mil jaa.e āsānī ke saath

kisī ne daad na dī kuchh fasāna-e-dil kī
unheñ bhī dard-e-mohabbat sunā ke dekh liyā

kyā tunuk-hausla the dīda-o-dil apne aah
ek dam rāz-e-mohabbat kā chhupāyā na gayā

sirf havā-e-mohabbat huuñ maiñ ā.ūñgā aur guzar jā.ūñgā
bas itnā karnā mujh ko apne andar se guzarne denā

tez havā-e-taġhāful ho tum maiñ huuñ gard-o-ġhubār-e-mohabbat
ḳhuub mazā aa.egā mujh ko sāmne apne bikharne denā

hote haiñ rāz-e-ishq-o-mohabbat isī se faash
āñkheñ zabāñ nahīñ hai agar be-zabāñ nahīñ

mire junūñ ko mohabbat se dekhne vaale
zarā nigāh bachā.e hue zamāne se

kis darja dil-shikan the mohabbat ke hādse
ham zindagī meñ phir koī armāñ na kar sake

kaun rakh paayā māl-o-daulat ko
jaane vaale se ye mohabbat kyuuñ

dil bahut bechain be-ārām hai
kyā mohabbat kā yahī anjām hai

mohabbat se banda banā lījiyegā
batā dījiye kyā ḳhudā lījiyegā

muchalke kā kyuuñ naam aayā zabāñ par
mohabbat kā ham se likhā lījiyegā

na kuchh aalim samajhte haiñ na kuchh jāhil samajhte haiñ
mohabbat kī haqīqat ko bas ahl-e-dil samajhte haiñ

is darja mohabbat meñ taġhāful nahīñ achchhā
ham bhī jo kabhī tum se gurezāñ hoñ to kyā ho

jalva-e-amn tumhīñ se hai mohabbat vaalo
mahr-e-tābāñ kī tarah roz nikalte rahnā

vo āġhāz-e-mohabbat kā zamāna
zarā sī baat bantī thī fasāna

jab chaudhvīñ shab kā chāñd nikal kar dahr munavvar kartā hai
jab koī mohabbat kā maarā kuchh ThanDī sāñseñ bhartā hai