English
Favourite
Favourite
UrduShayarUrduShayar
Expand menu
Sign inAccount

Tags-Mohabbat

ho ga.ī band jo bīmār-e-mohabbat kī zabāñ
chāra-gar chup haiñ judā mūnis-o-ġham-ḳhvār judā
Ghazal
 gham juda pesh raha hai mere afkar juda
kabhī dekhā thā ik ḳhvāb-e-mohabbat
ab us kī aarzū hai aur maiñ huuñ
Ghazal
 hijab-e-rang-o-bu hai aur main hun
ye adab-gāh-e-mohabbat hai jo chup huuñ 'tāhir'
varna yaañ kaun sā andāz-e-bayāñ hai ki nahīñ
Ghazal
 gham-e-dauran gham-e-jaanan gham-e-jaan hai ki nahin
mohabbat meñ sahar ai dil barā.e naam aatī hai
ye vo manzil hai jis manzil meñ aksar shaam aatī hai
Ghazal
 mohabbat mein sahar ai dil barae nam aati hai
mohabbat ne har ik se be-ta.alluq kar diyā mujh ko
tumhārī yaad bhī ab to barā.e naam aatī hai
Ghazal
 mohabbat mein sahar ai dil barae nam aati hai
tire dīvāne iz.hār-e-mohabbat kar nahīñ sakte
mohabbat kar ke tauhīn-e-mohabbat kar nahīñ sakte
Ghazal
 tere diwane izhaar-e-mohabbat kar nahin sakte
jo shaidā haiñ mohabbat ke jo dīvāne haiñ ulfat ke
vo apne dushmanoñ se bhī adāvat kar nahīñ sakte
Ghazal
 tere diwane izhaar-e-mohabbat kar nahin sakte
ek kāfir se mohabbat ho ga.ī
zindagī kaTnī musībat ho ga.ī
Ghazal
 ek kafir se mohabbat ho gai
bas yahī ek jurm hai apnā
ham mohabbat se kaam lete haiñ
Ghazal
 jab kabhi tera nam lete hain
mohabbat kī havā-e-dil-rubā se jhuuT bolegī
hasīñ kāzib hai vo ahl-e-vafā se jhuuT bolegī
Ghazal
 mohabbat ki hawa-e-dil-ruba se jhuT bolegi
ma.āl-e-umr-e-mohabbat hai bas yahī 'tishna'
mirī talāsh thā vo us kī justujū maiñ thā
Ghazal
 hisar-e-maqtal-e-jaan mein lahu lahu main tha
alfāz meñ iz.hār-e-mohabbat ke tarīqe
ḳhud ishq kī nazroñ meñ bhī māyūb rahe haiñ
Ghazal
 wo log hi har daur mein mahbub rahe hain
shāḳh-e-mizhgān-e-mohabbat pe sajā le mujh ko
barg-e-āvāra huuñ sarsar se bachā le mujh ko
Ghazal
 shaKH-e-mizhgan-e-mohabbat pe saja le mujhko
havas ham paar hoeñ kyūñki dariyā-e-mohabbat se
qazā ne bādbān-e-kashtī-e-tadbīr ko toḌā
Sher
 hawas hum par hoen kyunki dariya-e-mohabbat se
diloñ ko toḌne vaalo baḌhā kar dūriyāñ dekho
mohabbat fāsle rakh kar bhī begānī nahīñ hotī
Ghazal
 haya ki ek hasin chadar agar tani nahin hoti
mohabbat kis galī meñ raqs kartī kis pe itrātī
agar lailā kisī majnūñ kī dīvānī nahīñ hotī
Ghazal
 haya ki ek hasin chadar agar tani nahin hoti
dushman-e-ḳhū-e-vafā rasm-e-mohabbat ke harīf
vahī kyā aur bhī do-chār nazar aate haiñ
Ghazal
 badle badle mere gham-KHwar nazar aate hain
jins-e-nāyāb-e-mohabbat kī ḳhudā ḳhair kare
bul-havas us ke ḳharīdār nazar aate haiñ
Ghazal
 badle badle mere gham-KHwar nazar aate hain
har rañg meñ raqīb-e-zar-e-nām-o-nañg huuñ
maiñ vo huuñ jo kisī se mohabbat na kar sakā
Ghazal
 hasil kisi se naqd-e-himayat na kar saka
har-chand ki is rah meñ tahī-dast rahe ham
saudā-e-mohabbat na magar sar se nikālā
Ghazal
 jab sham hui maine qadam ghar se nikala
Top Urdushayar.com