Tags-Mohabbat

ye merī tujh se mohabbat agar ḳhatā hai to phir
yahāñ pe husn-e-ḳhatā kā mo.āmla hai huzūr

ab ke ummīd ke shole se bhī āñkheñ na jalīñ
jaane kis moḌ pe le aa.ī mohabbat ham ko

vāqi.a hai vāqi.a ahl-e-nazar se pūchhiye
husn bhī hairat meñ hai shān-e-mohabbat dekh kar

anjām kyā ho dāġh-e-mohabbat kā dekhiye
siine meñ ibtidā se jalan intihā kī hai

husūl ho hameñ kyā mudda.ā mohabbat meñ
abhī salīqa-e-iz.hār-e-mudda.ā bhī nahīñ

mirzā mahr-e-mohabbat tumheñ phir yaad aa.ī
dil pe guzrī thī jo kuchh rañj-o-alam bhuul ga.e

kisī kā ḳhūn-e-nāhaq rā.egāñ to jā nahīñ saktā
vafā kā ruup nikhregā mohabbat surḳh-rū hogī

na mohabbat kī ḳhabar us ko na ham ko us kī
sādgī kah to sahī yaar hai ayyār ki ham

koī chaudhvīñ-rāt kā chāñd ban kar tumhāre tasavvur meñ aayā to hogā
kisī se to kī hogī tum ne mohabbat kisī ko gale se lagāyā to hogā

laboñ se mohabbat kā jaadū jagā ke bharī bazm meñ sab se nazreñ bachā ke
nigāhoñ ke raste se dil meñ samā ke kisī ne tumheñ bhī churāyā to hogā

dikhā.egī mohabbat ek din un ko asar apnā
samā.ī dil meñ jo un ke vo mere dil se niklegī

ham ne to ḳhud se intiqām liyā
tum ne kyā soch kar mohabbat kī

āḳhirī baar uThānā hai mujhe dard kā baar
āḳhirī baar mohabbat kī duhā.ī dūñgī

na mafhūm us kā furqat hai na manshā vasl hai us kā
mohabbat asl meñ ik ḳhvāb-e-ḳhud-ta.abīr hotī hai

judā ho kar isī meñ jazb ho jaatī hai phir ik din
mohabbat āftāb-e-husn kī tanvīr hotī hai

shikāyat bhī mohabbat hī meñ dāḳhil hai magar 'bismil'
mohabbat be-niyāz-e-shikva-e-shikva-e-taqdīr hotī hai

bhalā aadmī thā pa nādān niklā
sunā hai kisī se mohabbat kare hai

qadam qadam ġham-e-hijrāñ kī be-panāhī meñ
sunā rahī hai mohabbat kahāniyāñ pyāre

maiñ jāntā huuñ mohabbat meñ hārne ke ba.ad
sabhī ke sāmne merī misāl degā vo

nashāt-e-fat.h se to dāman-e-dil bhar nahīñ paa.e
magar kyuuñ hārne vaale mohabbat kar nahīñ paa.e