Tags-Mohabbat

maiñ ne hasrat se nazar bhar ke use dekh liyā
jab samajh meñ na mohabbat ke ma.ānī aa.e

qurbatoñ ke jañgal meñ der kitnī lagtī hai
pairahan mohabbat kā taar taar hone tak

ātish-e-ġham-e-dil meñ ḳhaak ho ga.e ham to
rishta-e-mohabbat ke ustuvār hone tak

vahshat-kada-e-dahr meñ chaltā jo bas apnā
dushman se mohabbat ke sivā kaam na lete

kahnī hai ek baat dil-e-shād-kām se
tañg aa gayā huuñ yaar mohabbat ke naam se

qabroñ meñ nahīñ ham ko kitāboñ meñ utāro
ham log mohabbat kī kahānī meñ mare haiñ

kuchh had se ziyāda thā hameñ shauq-e-mohabbat
aur ham hī mohabbat kī girānī meñ mare haiñ

kaalī rātoñ meñ ujāle se mohabbat kī hai
subah kī bazm meñ apnā ye sharaf kyā kam hai

vo mohabbat-āfrīñ detā hai hasb-e-zarf-e-ishq
phir kisī se bhī talab-gār-e-vafā hotā nahīñ

ḳhud ke ehsās-e-mohabbat ne mujhe zinda rakhā
mere kuchh nek ḳhayālāt ne tābinda rakhā

dil-lagī kartī rahī ḳhāk-e-mohabbat mujh se
zindagī maiñ ne tujhe ret kā bāshinda rakhā

dil hai ki mohabbat meñ apnā na parāyā hai
kuchh soch ke us ne bhī dīvāna banāyā hai

hiran sā vahshī mohabbat kā dars detā hai
ye vāqi.a hai kitāb-e-sabuktagīn meñ hai

hamāre āsmāñ kā har sitāra sab pe raushan hai
kisī zaḳhm-e-mohabbat ko nihāñ ham ne nahīñ rakkhā

muqābla hai ġham-o-alam kā to sāmnā rañj-o-be-kasī kā
rah-e-mohabbat meñ har qadam par nishān miltā hai zindagī kā

isī mohabbat meñ ham pe guzrā ik aisā aalam bhī tīrgī kā
banā liyā āftāb ham ne milā jo zarra bhī raushnī kā

mohabbat hai bad-nām kyuuñ kar banegī
vo ham se hamesha bigaḌte raheñge

zamīn niklī chalī jā rahī hai hāthoñ se
maiñ āsmān-e-mohabbat meñ khotā jaatā huuñ

are sharāb-e-ḳhirad ke kaifī na kar tuuñ da.avā-e-puḳhta-magzī
mai-e-mohabbat kā jaam pī tuuñ ki ab talak zarf ḳhaam haigā