Tags-Mohabbat

vo peḌ TuuT gayā to mujhe kuchh aisā lagā
ki jaise apnī mohabbat kā isti.ārā gayā

eshiyā.ī mohabbat meñ taaza shumāra nikaltā nahīñ
des vāloñ ne aisī muravvat sikhā.ī ki tartīb se jal rahe haiñ charāġh

koī mohabbat meñ dil apnā
koī apnā sar detā hai

bāhar galī meñ bhārī fauj-e-ḳhudā paḌī thī
ham kāfir-e-mohabbat nā-chār chhat se nikle

ye zindagī jo milī ham ko kam mohabbat meñ
ki jī sake haiñ na mar paa.e ham mohabbat meñ

bas ek shaam tujhe dil ne kar diyā ruḳhsat
phir us ke ba.ad rahī aañkh nam mohabbat meñ

ye aur baat ki tū ne bhulā diye haiñ magar
hameñ to yaad haiñ tere karam mohabbat meñ

tumhārā hijr to aayā hai jaan ko jānāñ
karo nā vasl kī rut ko bhī zam mohabbat meñ

zamāne biit ga.e dekh ham nahīñ badle
jabīñ rahī tire dar par hī ḳham mohabbat meñ

shikast-e-zāt se le kar shikast-e-duniyā tak
hue haiñ dard bhī kitne baham mohabbat meñ

hamārā dil hī nahīñ maan bhī to TuuTā hai
ab is ke ba.ad nahīñ koī ġham mohabbat meñ

baḌe salīqe se ta.amīr kar rahī huuñ ghar
ki rah na jaa.e koī iiñT kam mohabbat meñ

sau rañg bikhereñge mohabbat ke shagūfe
'gulnār' chaman meñ hameñ laa.e bhī vahī haiñ

ḳhātir-e-hāl madārat nahīñ kī jā.egī
ham se is taur mohabbat nahīñ kī jā.egī

tujh se ab aur mohabbat nahīñ kī jā saktī
ḳhud ko itnī bhī aziyyat nahīñ dī jā saktī

mohabbat dil meñ hotī hai tamannā dil meñ hotī hai
javānī umr kī kitnī hasīñ manzil meñ hotī hai

mohabbat ai ma.āz-allāh mohabbat dam nikal jaa.e
agar mahsūs bhī utnī ho jitnī dil meñ hotī hai

hairān sī nazroñ meñ ik shakl gurezāñ sī
ik sāya-e-guzrāñ se vo kaisī mohabbat thī

mujh se ab merī mohabbat ke fasāne na kaho
mujh ko kahne do ki maiñ ne unheñ chāhā hī nahīñ

ab bhī kuchh dil meñ ra.ūnat kī jhalak baaqī hai
yā-ḳhudā phir kisī bad-ḳhū se mohabbat ho jaa.e