Tags-Mohabbat

dil-e-hasrat-zada meñ ek sho.ala sā bhaḌaktā hai
mohabbat aa.heñ bhartī hai tamannā.eñ tarastī haiñ

kahīñ mohabbat ke āsmāñ par visāl kā chāñd Dhal rahā hai
charāġh ke saath tāqche meñ gulāb kā phuul jal rahā hai

kabhī mohabbat se baaz rahne kā dhyān aa.e to sochtā huuñ
ye zahr itne dinoñ se mere vajūd meñ kaise pal rahā hai

ham qavānīn-e-mohabbat meñ tujhe le aa.eñ
ham tire naam kā ik mulk basānā chāheñ

uThe na paañv mohabbat kī rahguzār ke ba.ad
koī qayām nahīñ hai tire dayār ke ba.ad

khiñchī hai jo teġh-e-mohabbat dilā
yahī ek din tere sar jā.egī

qimār-e-mohabbat meñ gar aah kī
ye jiitī huī baazī har jā.egī

ham se kyā ho sakā mohabbat meñ
ḳhair tum ne to bevafā.ī kī

vo khel baiThā mohabbat se phir mohabbat ne
javābī vaar kiyā kāravā.ī karte hue

dayār-e-husn kī sar-garmiyāñ ma.āz-allāh
har ik qadam pe mohabbat kā imtihāñ honā

uThā vo dard kaleje meñ vo gire aañsū
nahīñ hai khel mohabbat kā rāz-dāñ honā

vo kyā kare na miTe gar tirī mohabbat meñ
likhā ho jis ke muqaddar meñ be-nishāñ honā

abhī na shaad ho takmīl-e-ishq par 'afqar'
abhī hai tark-e-mohabbat kā imtihāñ honā

guzar jā vasl se gar hijr meñ dekhe razā us kī
mohabbat meñ 'yaqīñ' letā hai nām-e-mudda.ā koī

vo maḳhmūr nazreñ vo mad.hosh āñkheñ
ḳharāb-e-mohabbat huā chāhtā huuñ

vo āñkheñ jhukīñ vo koī muskurāyā
payām-e-mohabbat sunā chāhtā huuñ

koī jā ke batā de un zarā nādān logo ko
lagāne se kabhī pahre mohabbat kam nahīñ hotī

nasha aisā chaḌhā ulfat kā terī mujh pe ai hamdam
agar maiñ chaah luuñ phir bhī mohabbat kam nahīñ hotī

majbūri-e-kamāl-e-mohabbat to dekhnā
jiinā nahīñ qubūl jiye jā rahā huuñ maiñ

faqat itnā kahā thā nā hameñ tum se mohabbat hai
hamārī jaan loge kyā zarā sī baat ke pīchhe