Tags-Mohabbat

mohabbat meñ diloñ par jaane kab ye sāneha guzrā
jagah shak ne banā lī aur hamāre darmiyāñ vo bhī

sirf zinda rahne ko zindagī nahīñ kahte
kuchh ġham-e-mohabbat ho kuchh ġham-e-jahāñ yaaro

jab zikr kiyā maiñ ne kabhī vasl kā un se
vo kahne lage paak mohabbat hai baḌī chiiz

ye dard-e-mohabbat bhī kyā shai hai ma.āz-allāh
maiñ dard-e-mohabbat se kahtā huuñ sivā ho jā

kal siyāsat meñ bhī mohabbat thī
ab mohabbat meñ bhī siyāsat hai

huzūrī ho ki mahjūrī mohabbat kam nahīñ us se
tab apnā baḳht-e-ālī thā ab apnā zarf-e-ālī hai

khīñch laa.ī hai mohabbat tire dar par mujh ko
itnī āsānī se varna kise hāsil huā maiñ

havas kī duniyā meñ rahne vāloñ ko maiñ mohabbat sikhā rahā huuñ
jahāñ pe dāman bichhe hue haiñ vahāñ par āñkheñ bichhā rahā huuñ

abhī to aayā hī thā vahāñ se kabhī na jaane kā ahd kar ke
magar mohabbat zahe mohabbat abhī vahīñ se phir aa rahā huuñ

dil kī dīvāna tabī.at ko musībat na banā
tujh se yārāna hai yārāna mohabbat na banā

itnā ḳhush-fahm na ho apnī pazīrā.ī par
ham kisī aur mohabbat meñ mile haiñ tujh se

vahāñ taraqqī jamāl ko hai yahāñ mohabbat hai roz-afzūñ
sharīk-e-zebā thā bul-havas bhī jo bevafā.ī meñ kam na hotā

ġham-e-uqbā ġham-e-daurāñ ġham-e-hastī kī qasam
aur bhī ġham haiñ zamāne meñ mohabbat ke sivā

ab vo sahrā-e-junūñ ḳhaak uḌāne se rahā
ab vo dariyā-e-mohabbat nahīñ bharne vaalā

jo mere vāste buniyād thā mohabbat kī
maiñ us ḳhayāl kī dīvār hī girā baiThā

har ik dil meñ chamke mohabbat kā daaġh
ye sikka zamāne meñ chaltā rahe

shāmil ho gar na ġham kī ḳhalish zindagī ke saath
rakkhe na koī rabt-e-mohabbat kisī ke saath

vo sāmne aa.e haiñ kuchh is turfa adā se
ādāb mohabbat ke bhī dil bhuul gayā hai

āġhāz-e-mohabbat hī kā e.ajāz-e-karam hai
dil ho gayā begāna-e-anjām hamārā

nārāzgī na ho to mohabbat hai be-maza
hastī ḳhushī bhī ġham bhī hai nafrat bhī pyaar bhī