Tags-Mohabbat

mohabbat meñ tirī jab mujh ko aalam ne malāmat kī
dil-o-jāñ ne tab aapas meñ mubārak aur salāmat kī

na parvāne kī do misāleñ ki us ko
mohabbat nahīñ ḳhud-kushī kī havas thī

tumheñ mohabbat karne ke jurm meñ sazā-e-maut dī jaatī hai
us ne cigarette kā tavīl kash lete hue

vafā to kaisī jafā bhī nahīñ hai ab ham par
ab itnā saḳht mohabbat se intiqām na le

kaTī ek umr-e-furqat sar-e-barzaḳh-e-mohabbat
ki chalā na jā rahā thā dil-e-nā-tavāñ se aage

burā thā yā vo bhalā lamha-e-mohabbat thā
vahīñ pe silsila-e-māh-o-sāl rah jaatā

namāz laḌkī mohabbat ḳhudā zarūrī hai
kisī bhī chiiz kā nashsha baḌā zarūrī hai

dil thā be-kaif mohabbat kī ḳhatā se pahle
lutf aisā nahīñ aayā thā sazā se pahle

haa.e andāz-e-mohabbat bhī ajab thā un kā
kar rahe the vo jafā mujh pe vafā se pahle

mohabbat kā samundar us kī maujeñ ai ma.āz-allāh
dil itnā Dūbtā jaatā thā jitnā ham ubharte the

kahāñ se aa.egī ab raushnī mohabbat kī
bahut dhuāñ hai makānoñ ke darmiyāñ dekho

imtihāñ-gāh-e-mohabbat meñ na jaane kyā ho
qahr kā sāmnā hai teġh kā uryāñ honā

kashkol mohabbat kī talab phir bhaḌak uTThī
dekhā jo ba-zid us meñ navāzish kā irāda

kyā hotā hai mohabbat meñ ye mujh ko mālūm nahīñ
jis ne aag lagā.ī hai vahī aag bujhā.egā

dil-navāzī meñ bhī iizā hai mohabbat kī qasam
tujh ko fursat jo kabhī shuġhl-e-sitam-rānī de

har bachcha āñkheñ kholte hī kartā hai savāl mohabbat kā
duniyā ke kisī goshe se use mil jaa.e javāb to achchhā ho

par-e-parvāna paḌe haiñ shajar-e-sham.a ke gird
barg-rezi-e-mohabbat kā samar dekhte ho

zarā ziyāda mohabbat bhī chāhiye ham ko
hamārā dil bhī to TuuTā huā ziyāda hai

ye aa.ina mirā ā.īna-e-mohabbat hai
par us meñ aks kisī aur kā ziyāda hai

hotā na agar us kī mohabbat se sarokār
ye ġham-zada rusvā sar-e-bāzār na hotā