Tags-Mohabbat

kis ko ye hosh ki paiġhām-e-mohabbat samjhe
dil hai vārafta-e-rañgīnī-e-paiġhām abhī

mirī har baat par hañsne se aksar vo ulajhtā thā
mujhe us se mohabbat thī magar vo aur kuchh samjhā

haq ne dī hai aap ko vo aql-e-kul
jo mohabbat kī alam-bardār hai

jin usūloñ se ibārat hai mohabbat kī asaas
un usūloñ ko yahāñ toḌ diyā jaatā hai

har saañs hai ik talvār banī har nafs hai ġham kā paimāna
karte haiñ mohabbat jo un ko kāñToñ pe bhī sonā aatā hai

mohabbat kī jahāñ barsī hai shabnam
diloñ ke ho ga.e sahrā samundar

rishtoñ kī bukārat bachāne meñ
mohabbat kaam aa ga.ī to kyā

aao mohabbat ke ḳhudā kā shukriya adā kareñ
aur ek āḳhirī bose ko mahfūz kar ke

barbād-e-mohabbat kā aalam hī ajab dekhā
sau baar lahū royā sau baar hañsī aa.ī

sho.ala-e-dard-e-mohabbat koī bhaḌkā.e to
ham to tayyār haiñ is aag meñ jal jaane ko

mohabbat kā diyā aise bujhā thā
havā ke dosh par rakkhā huā thā

ajab be-faiz thī ye bhī mohabbat
bahāroñ meñ ḳhizāñ kā ruup sā thā

mohabbat meñ ik vaqt aisā bhī guzrā
na tum yaad aa.e na ham yaad aa.e

chalo ham maan lete haiñ
ki zaḳhm-e-ḳhvāhish-o-ḳhvāb-e-mohabbat rā.igānī thī

kaun detā hai mohabbat ko parastish kā maqām
tum ye insāf se socho to duā do ham ko

muddatoñ ḳhud ko bharose meñ liyā hai maiñ ne
tab kahīñ terī mohabbat ne sipar Daalī hai

jo log dushman-e-jāñ the vahī sahāre the
munāfe the mohabbat meñ ne ḳhasāre the

ham mohabbat ko mukammal nahīñ zāhir karte
vo hinā-barg ko chuTkī meñ masal kar dekheñ

mohabbat meñ junūñ kī barkateñ shāmil jo ho jātīñ
adhūre ḳhvāb the puurī magar ta.abīr kar lete

bhulā dete haiñ log aksar mohabbat meñ kiye va.ade
tabhī to jaan maiñ tum se koī va.adā nahīñ kartā