Tags-Mohabbat

sahārā de nahīñ sakte shikasta paañv ko
haTāo rāh-e-mohabbat se rahnumāoñ ko

mohabbat kā karishma koī dekhe tere kūche meñ
khule bandoñ yahāñ luT kar ḳhushī mahsūs hotī hai

tirī nazroñ kā nashtar to ba-rū-e-kār hai lekin
mohabbat kī ḳhalish meñ kyuuñ kamī mahsūs hotī hai

choġhā pahnāyā gayā jhuuT kā sachchā.ī ko
aur ma.ānī liye nafrat ke mohabbat se yahāñ

haal pūchhā na kisī ne mere aañsū poñchhe
kyā kisī se bhī nahīñ maiñ ne mohabbat kī hai

tujhe bahut shauq thā mohabbat kī garm lapToñ se khelne kā
le jal ga.ī na hathelī ab ḳhush kahā thā maiñ ne charāġh rakh de

imtiyāz-e-man-o-tū jab nahīñ rahtā hai 'jalīl'
vaqt aisā bhī mohabbat meñ zarūr aatā hai

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

saudā-e-mohabbat ne kiyā hai mujhe majnūñ
jā silsila-e-gesū-e-dildār se kah do

mast in surḳh nazāroñ meñ nazar aa.e bahār
ātish-e-soz-e-mohabbat se jo jal jaa.e bahār

kashish-e-rañg-e-mohabbat se vo aayā hai yahāñ
ai ḳhudā ab mire ghar se na kabhī jaa.e bahār

hai istilāh-e-mohabbat meñ jis kā naam junūñ
vo ek rasm baḌī pā.edār guzrī hai

ḳhūn-e-dil ḳhūn-e-jigar bah gayā paanī ho kar
kuchh na kaam aa.e mohabbat meñ hamāre aañsū

tirī ḳhāmosh-mohabbat ko na samjhā koī
be-zabānī tirī iz.hār banī thī jis kā

rah-rav-e-rāh-e-mohabbat kaun sī manzil meñ hai
dil hai be-zār-e-mohabbat aur mohabbat dil meñ hai

maiñ tinkoñ kā dāman pakaḌtā nahīñ huuñ
mohabbat meñ Duubā to kaisā sahārā

vo to hai maḳhsūs ik terī mohabbat ke liye
terā 'anvar' bā-hunar yā be-hunar jaisā bhī hai

nisār-e-husn-e-mohabbat rahī hai dekhoge
kalī ke saath hī shāḳhoñ pe ḳhaar aa.egā

sab apnī mohabbat vāpas lo āvāz ye rab se aatī hai
jab aadhī raat guzar jaa.e parvīn club se aatī hai

merī duniyā meñ mohabbat nahīñ kahte haiñ ise
yuuñ to har sañg ke siine meñ sharar miltā hai