Tags-Mohabbat

mohabbat kā sabaq āsāñ thā lekin bhulā baiThā
maiñ ik shole ke jis se duur rahtā thā

iqrār-e-mohabbat to baḌī baat hai lekin
inkār-e-mohabbat kī adā aur hī kuchh hai

mohabbat meñ ziyāñ-kārī murād-e-dil na ban jaa.e
ye lā-hāsil hī umr-e-ishq kā hāsil na ban jaa.e

karūñgā umr bhar tai rāh-e-be-manzil mohabbat kī
agar vo āstāñ is raah kī manzil na ban jaa.e

kahīñ rusvā na ho ab shān-e-istiġhnā mohabbat kī
mirī hālat tumhāre rahm ke qābil na ban jaa.e

na titliyoñ jaisī dopahar hai na ab vo sūraj gulāb jaisā
jise mohabbat kahā gayā vo muġhālta ḳhatm ho gayā hai

ab is liye bhī hameñ mohabbat ko tuul denā paḌegā 'tābish'
kisī ne pūchhā to kyā kaheñge ki silsila ḳhatm ho gayā hai

ham se kashish-e-mauja-e-raftār na pūchho
ham ahl-e-mohabbat to giraftār-e-zamīñ haiñ

turkī bhī shīrīñ taazī bhī shīrīñ
harf-e-mohabbat turkī na taazī

mohabbat kī agar pākīzgī par tum yaqīñ karte
to mil kar tum se puurā sab ḳhasārā ho gayā hotā

aa.ī hai kuchh na pūchh qayāmat kahāñ kahāñ
uf le ga.ī hai mujh ko mohabbat kahāñ kahāñ

har gaam par tarīq-e-mohabbat meñ maut thī
is raah meñ khule dar-e-rahmat kahāñ kahāñ

ham ne ab ik aur mohabbat kar lī hai
āñkhoñ ko phir ḳhvāb dikhāne lag ga.e haiñ

iz.hār mohabbat ke liye lāzmī nahīñ
ki phuul ḳharīde jaa.eñ

iz.hār-e-mohabbat ke liye tum apne bose
kāġhaz meñ lapeT kar bhej saktī ho

har sub.h kaTī har shaam kaTī bedād sahī uftād sahī
anjām-e-mohabbat jab ye hai is jins kā saudā kaun kare

vo bhī hamāre naam se begāne ho ga.e
ham ko bhī sach hai un se mohabbat nahīñ rahī

qadam Tak dekh kar rakh 'mīr' sar dil se nikālegā
palak se shoḳh-tar kāñTā hai sahrā-e-mohabbat kā

tum vaz-e-mohabbat kyā jaano tum ko vo junūñ kyuuñ hāsil ho
mushkil hai bahut hī shart-e-vafā nāhaq na paḌo is mushkil meñ

na dekh mujh ko mohabbat kī aañkh se ai dost
mirā vajūd mirā mudda.ā na ho jaa.e