Collections

Lab Shayari

Motivational Ghazals

Best Khamoshi Shayari

More Collections

Tags-Muflisi

sauñp dī us ne mujhe apne badan kī saltanat
mil ga.ī ho muflisī meñ jaise sultānī mujhe

bais-e-asudgi hai hashr-samani mujhe

jaan dene meñ soch kyā karte
muflisī par bhī dil tavañgar thā

mere sar mein jo raat chakkar tha

ab zamīnoñ ko bichhā.e ki falak ko oḌhe
muflisī to bharī barsāt meñ be-ghar huī hai

ek dariche ki tamanna mujhe dubhar hui hai

khilaunoñ ke liye bachche abhī tak jāgte hoñge
tujhe ai muflisī koī bahāna DhūñD lenā hai

khilaunon ke liye bachche abhi tak jagte honge

use duniyā kī sau fikreñ hameñ ik rañg-e-nādārī
kahīñ mun.im kī daulat se hamārī muflisī achchhī

hasinon se faqat sahib-salamat dur ki achchhi

muflisoñ se koī hamdardī nahīñ
kis liye hai muflisī par ġhaur-o-ḳhauz

ek kashti-kaghzi par ghaur-o-KHauz

koī umiid kā taarā kahāñ se miltā hai
ye muflisī ko sahārā kahāñ se miltā hai

koi umid ka tara kahan se milta hai

tishnagī vīrāñ darīche muflisī āh-o-bukā
ai amīr-e-shahr is manzar kā bhī dīdār kar

chhoD de aasan rasta zindagi dushwar kar

thī ibtidā meñ ye tādīb-e-muflisī mujh ko
ġhulām rah ke ġhulāmī pe muskurā.e jā

wafaen kar ke jafaon ka gham uThae ja

jo tirī zaat se mansūb the un gītoñ ko
muflisī jins banāne pe utar aa.ī hai

fankar

muflisī sab bahār khotī hai
mard kā e'tibār khotī hai

muflisi sab bahaar khoti hai

kyuuñ mire dost mujh se bachte haiñ
aisā lagtā hai muflisī meñ huuñ

koi mujh mein hai main kisi mein hun

jo ra.anā.ī nigāhoñ ke liye firdaus-e-jalva hai
libās-e-muflisī meñ kitnī be-qīmat nazar aatī

jo ranai nigahon ke liye firdaus-e-jalwa hai

isī liye to hai zindāñ ko justujū merī
ki muflisī ko sikhā.ī hai sar-kashī maiñ ne

isi liye to hai zindan ko justuju meri

muflisī meñ bhī haath phailā.eñ
kuchh to izzat kā paas rahtā hai

zehn mein kuchh qayas rahta hai

maiñ ne dekhī hai amīr-e-shahr kī vo muflisī
daulat-e-duniyā thī lekin ġham kā sarmāya na thā

mere kahne se to dil un par mera aaya na tha

muflisī meñ mizāj shāhāna
kis maraz kī davā kare koī

kyun kisi se wafa kare koi

ḳhuub roz-e-talab haiñ aur hameñ
ḳhaar rakhtā hai muflisī kā ishq

dil mein hai uske muddai ka ishq

mujh ko har lamha qanā.at ne sar-afrāz kiyā
muflisī varna tirā bojh na uThtā mujh se

chhin le quwwat binai KHudaya mujhse

muflisī meñ huī pahchān mujhe apnoñ kī
thā gumāñ jin pe vo anjān nazar aane lage

jis taraf dekhiye tufan nazar aane lage