Tags-Muflisi

ḳhush rakhe aap ko ḳhudā har pal
muflisī kā savāb le jaao

haq-pasandī mizāj ho jis kā
muflisī us ke ghar nahīñ hotī

kisī tarah bhī na āseb-e-muflisī utrā
duā bhī kī ga.ī ta.avīz bhī pilāyā gayā

muflisī kī har taraf ab hai pukār
maal ko rote haiñ apne māl-dār

muflisī masnad-e-zardār pe qābiz hogī
mahal badlegā zamāna bhī badal jā.egā

'ramz' vo ahd-e-ġhulāmī ho ki daur-e-hurriyat
ishtihār-e-muflisī hindustānī kā libās

muflisī ne kar diyā hai us kī ḳhuddārī kā ḳhuun
vo pahantā hai kisī kī mehrbānī kā libās

ḳhvān le kar farishte utre the
muflisī kar ga.ī anā taqsīm

jeb ḳhālī ho to ik lamha bhī hotā hai pahāḌ
muflisī meñ basar-auqāt bahut mushkil hai

ye kaḌvā sach hai yāroñ muflisī kā
yahāñ har aañkh meñ haiñ TuuTe sapne

na to ḳhvāhisheñ kabhī kam huiiñ na hī aas TuuTī kabhī mirī
thā ajiib rishta yaqīn se mire saath hī muflisī ga.ī

be-zarī fāqa-kashī muflisī be-sāmānī
ham faqīroñ ke bhī haañ kuchh nahīñ aur sab kuchh hai

muflisī aur is meñ ghar par ham-nashīnoñ kā hujūm
tīrgī meñ yaas kī dhundlā gayā husn-e-umīd

muflisī aur kis ko kahte haiñ!
daulatoñ kā hisāb karte ho

muflisī laakh sahī ham meñ vo ḳhuddārī hai
hākim-e-vaqt kī ḳhidmat nahīñ karne vaale

apne insāf kī zanjīr na dekho ki yahāñ
muflisī zehn kī fariyād bhī kab kartī hai

muflisī thī to us meñ bhī ik shaan thī
kuchh na thā kuchh na hone pe bhī aan thī

ab zamīnoñ ko bichhā.e ki falak ko oḌhe
muflisī to bharī barsāt meñ be-ghar huī hai

jab aadmī ke haal pe aatī hai muflisī
kis kis tarah se us ko satātī hai muflisī

muflisī siiñ ab zamāne kā rahā kuchh haal na.iiñ
āsmāñ charḳhī ke juuñ phirtā hai lekin maal na.iiñ