Tags-Ahvaal

ushshāq ke ahvāl pe kyā us ko nazar hai
vo aap divāna hai ḳhat-o-ḳhāl par apne

paḌtī hai nazar jab ki par-o-bāl par apne
rotā huuñ qafas meñ bahut ahvāl par apne

kī aap ne jo pursish-e-ahvāl shukriyā
ham kaise hoñge saltanat-e-hū meñ sochiye

ai sarīr-e-qalam ai zamīr-e-jahāñ aap apnī zabāñ meñ jo likhnā ho likh
kitne ahvāl haiñ nā-navishta abhī kyā munāsib hai un se taġhāful kareñ

ġhazal kahe pe bhī sochoñ kā bojh kam na huā
sakūñ na mil sakā ahvāl-e-dil sunā kar bhī

ham to raat kā matlab samjheñ ḳhvāb, sitāre, chāñd, charāġh
aage kā ahvāl vo jaane jis ne raat guzārī ho

behtar hai ġharaz ḳhāmushī hī kahne se yārāñ
mat pūchho kuchh ahvāl ki mar mar ke jiyā huuñ

kyā kahūñ ahvāl uThtī bazm kā
pahle miinā baad ko sāġhar gayā

aayā na haman paas kiyā va.ada-ḳhilāfī
'fā.ez' kā kuchh ahvāl magar yaad na aayā

raah meñ rok ke ahvāl na pūchho ham se
abhī baaqī hai bahut apnā safar jaane do

kyā us kī latāfat kā ahvāl bayāñ kījiye
jo dil pe huā zāhir āñkhoñ ko nahīñ kar ke

ḳhudā kī den kā muusā se pūchhiye ahvāl
ki aag lene ko jaa.eñ payambarī mil jaa.e

pur-hāl huuñ pa sūrat-e-ahvāl kuchh nahīñ
hairat hai mere paas nazar kis ke paas hai

jab ki maiñ har-nafas thā be-ahvāl
vo jo thā merā haal kis kā thā

āgāh nahīñ hai koī ahvāl se mere
jo mujh pe guzartī hai vo jaane hai ḳhudā ḳhuub

rat-jagā ham bhī manā.eñ ki sunā hai ham ne
roz likhtī hai sahar ḳhuun se ahvāl us ke

kam-fursatī kā un kī mujhe bhī lihāz hai
ahvāl-e-dil ko dīda-e-namnāk chāhiye

maiñ ne kahā thā us se ahvāl-e-giriya apnā
sunet hī hañs paḌā vo yakbār khilkhilā kar

haa.e kyā pūchhte ho murda diloñ kā ahvāl
miyāñ zinda haiñ magar beva haiñ un kī azvāj