Tags-Murder

ek shola-nazar ne qatl kiyā
ek rañgīñ-qabā ne luuT liyā

qāsid ko us ne qatl kiyā purze kar ke ḳhat
muñh se jo us ke naam hamārā nikal gayā

ḳhud apne qatl kā ilzām Dho rahā huuñ abhī
maiñ apnī laash pe sar rakh ke ro rahā huuñ abhī

bharā laboñ ne barābar dam-e-masīhā.ī
jab us ke abrūoñ ne hukm-e-qatl-e-ām liyā

hameñ to qatl kiyā bas isī nazākat ne
ki vo uThātī haiñ teġh aur nahīñ ukastī hai

dushmanoñ ko hī na kiije qatl is talvār se
dostoñ ke vāste bhī dil meñ kiina chāhiye

mujhe qatl karte to uuneñ kyā
par apne kiye par pashemān hai

nahīñ hai kuchh qatl un kā āsāñ ye saḳht-jāñ haiñ bure balā ke
qazā ko pahle sharīk karnā ye kaam apnī ḳhushī na karnā

kiyā qatl un ne mujh ko ġhair se mil
huā dushman judā ḳhush vo judā ḳhush

vo mere qatl kā mulzim hai log kahte haiñ
vo chhuT sake to mujhe bhī gavāh likh liije

diyoñ ke qatl pe sūraj kī har kiran chup hai
is ehtiyāt ko jashn-e-siyāh likh liije

vo mujh pe marne lage jo hai mere darpai-e-qatl
ilāhī is ke sau aur intiqāl nahīñ

ye zindagī kī bāzīgarī tū bhī siikh le
kar kar ke qatl tū bhī masīhā dikhā.ī de

maiñ gunahgār-e-tamannā huuñ mujhe qatl karo
dil to haarā hai magar haar nahīñ maanī hai

kyuuñ hue qatl ham par ye ilzām hai qatl jis ne kiyā hai vahī mudda.ī
qāzī-e-vaqt ne faisla de diyā laash ko nazr-e-zindāñ kiyā jā.egā

kuchh to khultā mājrā-e-qatl-o-ḳhūñ
chaḌh ke auj-e-dār pe sar bolte

bapā hai shor-e-mahshar qatl-gah meñ
kisī kā haath hai dāman kisī kā

jab jab ḳhud ko qatl kareñ
ḳhanjar gañgā meñ dho leñ

mirī gardan jo zīnat ban chukī thī qatl-gāhoñ kī
kabhī neze pe rakkhī thī kabhī ḳhanjar pe rakkhī thī

us shaḳhs ko to qatl hue der ho ga.ī
ab kis liye ye bhiiḌ lagā.e hue haiñ log