Tags-Murder

pūchh aa qātil se to vo kab karegā ham ko qatl
aaj ham tārīḳh-e-marg aap ai qazā kahne ko haiñ

jis haath se mujh ko qatl kiyā us haath kā kalima paḌhvāyā
lī jaan to ḳhair ehsān kiyā qātil ne magar īmān liyā

jab qatl huā maiñ taḌpā bhī chhīñTeñ bhī uḌā.īñ maan liyā
ilzām ḳhud us par kyā ye nahīñ dāman ko na kyuuñ gardān liyā

mubtalā ḳhud nisār ho jaate
tum ne afsos qatl-e-ām kiyā

dard talḳhāba-e-ehsās meñ zam ho ke rahā
qatl-gah paT ga.ī alfāz kī shīrīnī se

jab sajīle ḳhirām karte haiñ
har taraf qatl-e-ām karte haiñ

ye kaun hai ki jo tanhā.ī par bhī raazī hai
ye qatl-gāh se vāpas na jaane vaalā kaun

raqīb qatl huā us kī teġh-e-abrū se
harām-zāda thā achchhā huā halāl huā

kāfir batā ke qatl unheñ kar diyā gayā
mar.ūb ho sake jo na dāġh-e-sujūd se

qatl kar ke vo ġhanīmoñ ko jo vāpas aa.e
apne hī ghar meñ unheñ koī shanāsā na milā

dushman se sarhadoñ ko bachānā thā jis kā kaam
apnoñ ko qatl karne pe māmūr ho gayā

hameñ qatl hai yā hai ab qaid zālim
jo kuchh tujh se hove na taqsīr kiijo

jise maiñ qatl kar aayā thā 'saifī'
vahī ab mujh meñ zinda ho gayā hai

qatl kar ke mat samajhnā maiñ fanā ho jā.ūñgā
jal ke apnī raakh se phir rūnumā ho jā.ūñgā

be-gunāhoñ kuuñ qatl karne par
muftī-e-nāz kī rivāyat hai

qatl se pahle zarā chīḳhoñ pe ik maqtūl kī
kuchh darīche to khule lekin na koī dar khulā

kisī ġharīb ko zaḳhmī kareñ ki qatl kareñ
nigāh-e-nāz pe jurmāne thoḌī hote haiñ

huā qatl be-jurm maiñ jā ke 'barq'
vo kūcha mujhe karbalā ho gayā

qatl chhupte the kabhī sañg kī dīvār ke beach
ab to khulne lage maqtal bhare bāzār ke beach

raqīboñ meñ vo hoñge surḳh-rū aaj
hamāre qatl kā beḌā liyā hai