Tags-Musafir

phir ret ke dariyā pe koī pyāsā musāfir
likhtā hai vahī ek kahānī ka.ī din se

tumhāre haath chhuḌāne se ruk gayā hai safar
ye dhuup chhāñv musāfir kā mas.ala nahīñ hai

bhuul jote haiñ musāfir rasta
log kahte haiñ kahānī phir bhī

jism ke bayābāñ meñ dard kī duā māñgeñ
phir kisī musāfir se raushnī zarā māñgeñ

maiñ musāfir din kī jaltī dhuup kā
raat merā dard pahchānegī kyā

aur kabhī yuuñ huā
aarzū ke musāfir the

jaane kis kī talāsh un kī āñkhoñ meñ thī
aarzū ke musāfir

vo musāfir magar
jānte-būjhte bhī rahe be-ḳhabar

har ek saañs na jaane thī justujū kis kī
har ik dayār musāfir ko be-dayār milā

dasht-e-ġhurbat meñ bhī zānū-e-dost par merī tanhā.ī ko ye ta.assur huā
bhūlā-bhaTkā huā ik musāfir koī yak-ba-yak jaise apne dayār aa gayā

rah-e-vafā meñ rahe ye nishān-e-ḳhātir bas
baġhair naam ho mazkūr har musāfir bas

musāfir raah par sonā bhalā nahīñ
jo koī soyā vahī hasrat lajāyā

is sarā meñ sabhī musāfir haiñ
ya.anī jo hai so kārvānī hai

jo shāhrāh gayā kuchh nahīñ huā khaTkā
bhaTak rahā hai musāfir huā jo oghaT kā

ahl-e-duniyā ko kisī din na huī fikr-e-adam
kyā musāfir haiñ ki jin ko na vatan yaad aayā

ye kaisī dhuul sī rāhoñ meñ uḌtī phirtī hai
tū ai musāfir-e-jāñ kyā bachā nahīñ kuchh bhī

ab aage alam aur koī hāthoñ se le le
ham shab ke musāfir the chale tā-ba-sahar aa.e

maiñ rāh-e-ishq kā tanhā musāfir
kise āvāz duuñ koī nahīñ hai

ye zindagī bhī ajab raah kī musāfir hai
kahīñ chaḌhān bahut hai kahīñ Dhalān bahut

vo kaise musāfir the ki be-zād-e-safar the
siine pe koī bār-e-tamannā bhī nahīñ thā