Tags-Musafir

rail kī gaaḌī chalī to ik musāfir ne kahā
dekhnā vo koī station pe baiThā rah gayā

maiñ vo musāfir-e-ġhamgīñ huuñ jis ke saath 'vasīm'
ḳhizāñ ke daur se bhī kuchh duur chal ke chal na sake

tahā.if kī jinheñ ummīd thī vo muntazir haiñ
musāfir aa chukā hai ab zarā asbāb utre

jahāñ tā-hadd-e-bīnā.ī musāfir hī musāfir hoñ
nishāñ qadmoñ ke miT jaate haiñ aisī rahguzāroñ se

vafā kī raat koī ittifāq thī lekin
pukārte haiñ musāfir ko sā.ebāñ kyā kyā

ai shahr-e-ḳhayāl ke musāfir
kyā maiñ tirā ham-safar rahā huuñ

ravāñ hai umr aur insān ġhāfil
musāfir hai ki sotā jā rahā hai

maiñ makīñ huuñ na makāñ shahr-e-mohabbat kā 'zafar'
dil musāfir na kisī ġhair ke ghar jā.egā

faanī duniyā ke is musāfir ne
vo bhī khoyā hai jo nahīñ paayā

tum sarāb ban ban kar apnī chhab dikhāte ho
tishna-lab musāfir kī jaan par ban aa.ī hai

piirī meñ dil diyā but-e-be-raham yaar ko
manzil qarīb thī ki musāfir bahak gayā

jugnuoñ se saj ga.iiñ rāheñ kisī kī yaad kī
din kī chaukhaT par musāfir shaam ke aane lage

sabhī musāfir chaleñ agar ek ruḳh to kyā hai mazā safar kā
tum apne imkāñ talāsh kar lo mujhe parinde pukārte haiñ

haa.el haiñ ashk raah meñ kaise nazar mile
bārish agar thame to musāfir ko ghar mile

tum ajnabī qadmoñ se nikal jaao musāfir
paanā hai kisī aur ko gulzār kī ḳhushbū

hañstī-bastī rāhoñ kā ḳhush-bāsh musāfir
rozī kī bhaTTī kā īñdhan ban jaatā hai

zindagī ke kārvāñ par kuchh asar paḌtā nahīñ
ik musāfir kho gayā to dūsrā mil jā.egā

kahāñ jaa.e thakā-māñda musāfir
tū hī saaya tū hī dīvār bhī hai

jo musāfir ke liye ba.is-e-taskīn nahīñ
aise ashjār kī chhāñv se ulajh baiThā huuñ

pur-haul jañgaloñ meñ havā chīḳhtī phirī
vāpas gharoñ ko kyuuñ na musāfir palaT ga.e