Tags-Naaz

māh-o-anjum pe na phir apne kabhī naaz kare
dekh le charḳh kisī din jo hamāre aañsū

kushāda dast-e-karam jab vo be-niyāz kare
niyāz-mand na kyuuñ ājizī pe naaz kare

be-gunāhoñ kuuñ qatl karne par
muftī-e-nāz kī rivāyat hai

murjhā ke bhī ga.ī na mahak jism-e-nāz kī
ye motiye ke phuul koī kāġhzī na the

dāḳhil shahīdoñ meñ to lohū lagā ke sab the
shamshīr-e-nāz se pur-afgār thā so maiñ thā

māyūs bhī to karte nahīñ tum za-rāh-e-nāz
tañg aa ga.e haiñ kashmakash-e-imtihāñ se ham

kisī ġharīb ko zaḳhmī kareñ ki qatl kareñ
nigāh-e-nāz pe jurmāne thoḌī hote haiñ

tujh ko dekhā na tire nāz-o-adā ko dekhā
terī har tarz meñ ik shān-e-ḳhudā ko dekhā

faiz uThā.eñ tujh se ġhair
naaz uThā.eñ tere ham

kahāñ kī aql kidhar ke havās kaisā hosh
ḳhirad ke qasr pe tū ne to tark-e-nāz kiyā

tū āshiqoñ ke ta.iiñ jab se qatl-e-nāz kiyā
ḳhushī haiñ minnat-e-jāñ se to be-niyāz kiyā

imtihāñ madd-e-nazar kis manchale bismil kā hai
ma.arka aarā jo yuuñ har naaz us qātil kā hai

bahār-e-gul-kada-e-nāz dil-kushā hai magar
nasīm-e-shauq ḳhirāmāñ nahīñ to kuchh bhī nahīñ

vo barq-e-nāz gurezāñ nahīñ to kuchh bhī nahīñ
magar sharīk-e-rag-e-jāñ nahīñ to kuchh bhī nahīñ

lazzat-e-sajda-hā-e-shauq na pūchh
haa.e vo ittisāl-e-nāz-o-niyāz

jis saañs meñ duniyā jaañ paa.e us saañs kī nik.hat kyā kahiye
jis maut pe hastī naaz kare us maut kī azmat kyā kahiye

vo jin ke dar-e-nāz pe jhuktā thā zamāna
aate the baḌī duur se chal kar isī ghar meñ

bhes badle hue ik shaḳhs kī ḳhātir hai ye sab
ham faqīroñ ke bhalā naaz uThātā phire kaun

partav se jis ke ālam-e-imkāñ bahār hai
vo nau-bahār-e-nāz abhī rahguzar meñ hai

hamārī quvvat-e-parvāz kā saanī nahīñ koī
magar parvāz par apnī kahāñ ham naaz karte haiñ