Tags-Naaz

huuñ to hargiz nahīñ pāband-e-qavā.ed 'nāqid'
apnī āvārgī pe mujh ko magar naaz nahīñ

lagā Thokar na paa.e naaz se tū
kabhī tāj-e-sar-e-hindostāñ the

nahīñ āsāñ harīm-e-nāz tak kī thī rasā.ī bhī
hue tasḳhīr lekin bām-o-dar āhista āhista

kashtī-o-tūfān ke ik naaz se rishte ko samajh
halqa-e-tūfāñ meñ rah kar apnī man-mānī na kar

yaad dilvā.iye un ko jo kabhī va.ada-e-vasl
to vo kis naaz se farmāte haiñ ham bhuul ga.e

ab merī tabāhī kā use ġham bhī nahīñ hai
jis ne mujhe chāhā thā baḌe naaz se pahle

dilā uThā.iye har tarah us kī chashm kā naaz
zamāna ba tū na-sāzad tū bā zamāna ba-sāz

abas nādāniyoñ par āp-apnī naaz karte haiñ
abhī dekhī kahāñ haiñ aap ne nādāniyāñ merī

jag ke adā-shanāsāñ hai jin kī fikr aalī
tujh qad kuuñ dekh bole yū naaz hai sarāpā

sar-e-ham-sarī husn-o-nāz-o-adā meñ na rakhtā thā koī na rakkhegā koī
tirā aks-e-ā.īna hai aur tū hai jo laḌnā hai tujh ko to apne hī se laḌ

kahāñ maiñ huuñ aisā ki tū mehrbāñ ho kahāñ qismat aisī ki āsāñ ho mushkil
agar aur gāhak nahīñ koī terā to ai ḳhanjar-e-nāz mere gale paḌ

tujhe naaz husn par hai mujhe naaz ishq par hai
tirā husn chand-roza mirā ishq jāvedānī

maiñ tujhe kaise batā detā dil-e-nāz kā haal
hāl-e-dil maiñ ne to ḳhud ko bhī batāyā na kabhī

phir uThī aaj vo nigāh-e-nāz
ik na.e daur kā huā āġhāz

barahman shaiḳh ko kar de nigāh-e-nāz us but kī
gulū-e-zohd meñ tār-e-nazar zunnār ban jaa.e

pīr-e-muġhāñ ke pā-e-nāz aur mirā sar-e-niyāz
hotī hai mai-kade meñ roz apnī yūñhī namāz-e-ishq

naaz kabhī niyāz hai aur niyāz nāz-e-ishq
ḳhatm huā na ho kabhī silsila-e-darāz-e-ishq

na kū-e-yār meñ Thahrā na anjuman meñ rahā
adā-e-nāz se ye dil sarā-e-fan meñ rahā

raftār naaz meñ ye lachak jaatī hai ki bas
goyā tirī kamar meñ sanam ustuḳhāñ nahīñ

ai shahsavār-e-nāz ye miTtā hai baar baar
tere samand-e-husn ko ham ḳhud banā.eñge