Tags-Naaz

mirā qalam nahīñ kirdār us muhāfiz kā
jo apne shahr ko mahsūr kar ke naaz kare

mumkin hai tīr-e-nāz se dil ko bachā bhī luuñ
lekin nazar kī choT bachā.ī na jā.egī

dar-ḳhur-e-arz nahīñ jauhar-e-bedād ko jā
nigah-e-nāz hai surme se ḳhafā mere ba.ad

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

banā ke un ko bhī ḳhūgar niyāz-e-paiham kā
vo din bhī aa.e ki ham bhī butoñ se naaz kareñ

kārobār-e-shauq kī hāsil haiñ vo paspā.iyāñ
jin pe 'tābāñ' naaz farmātī haiñ taqdīreñ bahut

naaz thā jis ko merī rifāqat ke har lamha-e-muḳhtasar par
aaj mahsūs aisā huā hai ki vo fāsla chāhtā hai

ka.aba-o-dair kī rāhoñ se guzar jaatā huuñ
mahfil-e-nāz ke ādāb kahāñ se lā.ūñ

gah ishva gah karishma gahe naaz gah adā
kis kis tarah se us ne mujhe imtihāñ kiyā

uljhī thiiñ jin nasīm se kaliyāñ ḳhabar na thī
pahuñchegī bū-e-nāz mire pairahan se duur

na jaane kah ga.e kyā aap muskurāne meñ
hai dil ko naaz ki jaan aa ga.ī fasāne meñ

tere jaur-o-jafā ko kyā kahiye
naaz kahiye unheñ adā kahiye

āshiqoñ kī ḳhastagī bad-halī kī parvā nahīñ
ai sarāpā naaz tū ne be-niyāzī ḳhuub kī

huī ḳhabar bhī na ham ko kab aa.e aur ga.e
nigāh-e-nāz se dil meñ utar ga.e chup-chāp

asar us ke ishva-e-nāz kā jo huā vo kis se bayāñ karūñ
mujhe to ajal kī hai aarzū use vahm hai ki ye mar gayā

nāz-e-bejā uThā.iye kis se
ab na vo dil na vo dimāġh rahā

āñkhoñ se hayā Tapke hai andāz to dekho
hai bul-havasoñ par bhī sitam naaz to dekho

ik nigāh-e-nāz ne saaqī kī ye kyā kar diyā
rafta rafta kah uThe sab pīr-e-mai-ḳhāna mujhe

ba-nīm-ġhamza adā kar haq-e-vadī.at-e-nāz
niyām-e-parda-e-zaḳhm-e-jigar se ḳhanjar khīñch

tujhe bahāna-e-rāhat hai intizār ai dil
kiyā hai kis ne ishārā ki nāz-e-bistar khīñch