Tags-Naaz

sīna-sipar haiñ āshiq-e-jāñ-bāz saikaḌoñ
teġh-e-nigāh-e-nāz vo kab āzmā.eñge

mahfil-e-nāz ho ki dār-o-rasan
har taraf kāmyāb haiñ ham log

hameñ naaz hai bas adāoñ pe un kī
pasand apnī apnī ḳhayāl apnā apnā

ye kahāñ bahār-e-jamāl hai ki jahāñ ḳhizāñ na zavāl hai
tirī bazm-e-nāz se jo uThā vo hasīñ uThā vo javāñ uThā

mah-o-mehr meñ bhī hai dilkashī magar us kī baat hai aur hī
tujhe ārzū-e-jamāl hai to harīm-e-nāz meñ chal ke aa

ab koī tirā misl nahīñ nāz-o-adā meñ
andāz meñ shoḳhī meñ sharārat meñ hayā meñ

niyāz-e-ḳhādimāna hai vahī fazl-e-ilāhī se
butoñ kī nāz-bardārī jo aage thī so ab bhī hai

ġham nahīñ nāz-e-husn hai husn ke naaz uThā.e jā
ai dil-e-mubtalā-e-ġham ġham meñ bhī muskurā.e jā

khulā nashe meñ jo pagḌī kā pech us kī 'mīr'
samand-e-nāz pe ek aur tāziyāna huā

aafat to hai vo naaz bhī andāz bhī lekin
martā huuñ maiñ jis par vo adā aur hī kuchh hai

mujhe ye zo.am ki maiñ husn kā musavvir huuñ
unheñ ye naaz ki tasvīr to hamārī hai

tū aa.ine pe na apne kar ai sikandar naaz
ki ham bhī rakhte haiñ jām-e-jahāñ-numā dil kā

donoñ hoñ kaise ek jā 'mehdī' surūr-o-soz-e-dil
barq-e-nigāh-e-nāz ne gir ke batā diyā ki yuuñ

na 'shamīm' naaz karnā ki atīya-e-junūñ hai
ye tirā tarannum-e-ġham ye tirī ġhazal-sarā.ī

ġham-e-jānāñ ke bhī kuchh der to ham naaz uThā leñ
ġham-e-daurāñ se thoḌe din kī ruḳhsat chāhiye hai

uThā uThā ke tire naaz ai ġham-e-duniyā
ḳhud aap hī tirī aadat ḳharāb kī ham ne

jiinā mirā to tujh ko ġhanīmat hai nā-samajh
khīñgā kaun phir ye tire naaz mere ba.ad

agarche nāzkash-e-esāġhar-e-sharāb na thā
ḳhumār-ḳhāne meñ mujh sā koī ḳharāb na thā

ahd-e-vafā yāroñ se nibhā.eñ nāz-e-harīfāñ hañs ke uThā.eñ
jab hameñ armāñ tum se sivā thā ab haiñ pashemāñ tum se ziyāda

vo apnī shoḳhi-e-raftār-e-nāz meñ gum hai
use ḳhabar hī kahāñ kis pe kyā guzartī hai