Tags-Naaz

us harīm-e-nāz us ḳhalvat-sarā-e-rāz meñ
bārhā jazbāt ne bāñdhā hai ehrām-e-ġhazal

sehn-e-chaman ko apnī bahāroñ pe naaz thā
vo aa ga.e to saarī bahāroñ pe chhā ga.e

umr-bhar dard ke rishtoñ ko nibhāne se rahā
zindagī meñ to tire naaz uThāne se rahā

ḳhadañg-e-nāz ne kuchh is tarah kiyā zaḳhmī
jo dil ke zaḳhm haiñ un kā shumār kyā hogā

vo shahr meñ thā to us ke liye auroñ se bhī milnā paḌtā thā
ab aise-vaise logoñ ke maiñ naaz uThā.ūñ kis ke liye

ḳhush rahiyo sun ai bād-e-sabā kahīñ aur tū apne naaz dikhā
tū jis ke baal uḌātī thī vo shaḳhs to kab kā ḳhaak huā

naaz kī qāmat-e-zebā kī bayāñ kyā kiije
pairahan bhī jahāñ uslūb-e-nazākat māñge

'ġhālib' ḳhudā kare ki savār-e-samand-e-nāz
dekhūñ alī bahādur-e-ālī-guhar ko maiñ

naġhma ban jaatā hai naala un kī bazm-e-nāz meñ
un ko ḳhush rakhne ko shor-e-sogvārāñ chāhiye

adā o naaz suuñ aatā hai vo raushan-jabīñ ghar suuñ
ki jyuuñ mashriq suuñ nikle āftāb āhista āhista

vo harf-e-nāz ki resham kā taar kahiye jise
vahī to dil ke liye ik hasīñ ḳharāsh bhī thā

nigāh-e-sharm ke zaḳhmī haiñ teġh-e-nāz ke bismil
taḌapne ke liye ham ko pas-e-dīvār rahne deñ

nigāh-e-nāz meñ dil kā kuchh eqtidār nahīñ
agar abhī hai ye maqbūl to abhī mardūd

nigāh-e-nāz ke jauhar ye paa.e kyā mumkin
fuġhāñ bhī teġh hai lekin hai teġh-e-zañg-ālūd

ahl-e-zar se bhī ḳharīdā na gayā
māya-e-nāz vo be-māya thā

yahī kahtī lailī-e-soḳhta-jāñ nahīñ khātī adab se ḳhudā kī qasam
ġham-e-qais sivā mujhe ġham nahīñ kuchh usī kushta-e-nāz-o-adā kī qasam

tujhe husn māya-e-nāz hai dil-e-ḳhasta mahv-e-niyāz hai
kahūñ kyā ye qissa-e-rāz hai mirā ishq ḳhāna-ḳharāb hai

maiñ us nigah-e-nāz kā mahkūm huuñ 'sālik'
vābasta-e-ahkām-e-qazā ho nahīñ saktā

vo jo harf-e-tāza-misāl the unheñ jab se tū ne bhulā diyā
tirī bazm-e-nāz kā bāñkpan kisī ḳhānqāh meñ jal-bujhā

paikar-e-nāz pe jab mauj-e-hayā chaltī thī
qarya-e-jāñ meñ mohabbat kī havā chaltī thī