Tags-Naaz

jo husn meñ aa ke naaz ban jaatā hai
aur ishq meñ jo niyāz ban jaatā hai

ai rashk-e-sarv-o-sanobar-qadāñ ḳhirām-e-nāz
ki raah dekh rahī haiñ qayāmateñ terī

hai kaun aap meñ jo mile tujh se mast naaz
zauq-e-ḳhabar hī ne to hameñ be-ḳhabar kyā

ye dast-e-nāz meñ ḳhat tarjumān kis kā hai
agar nahīñ hai tumhārā bayān kis kā hai

begāna-e-adab kiye detī hai kyā karūñ
us mahv-e-nāz kī nigah-e-āshnā mujhe

din raat naaz o nemateñ mah-tal.atoñ kī sohbateñ
aish-o-nashāt-o-ishrateñ saaqī qirāñ mutrib qarīñ

ham apnī rindī-o-tā.at pe ḳhaak naaz kareñ
qubūl-e-hazrat-e-sultāñ huī huī na huī

be-ḳhudī ke ba.ad kyā guzrī nahīñ kuchh bhī ḳhabar
jalva-gāh-e-nāz tak pahuñchā bas itnā dhyān hai

bahut nāz-parvarda hai dil hamārā
zarā lutf is par kiyā kījiyegā

hai fauj fauj-e-ġhamza-o-andāz tere saath
aqlīm-e-nāz kā hai tujhe taḳht-o-tāj aaj

hashr tak be-gunahī naaz karegī mujh par
vo mirā terī nigāhoñ meñ burā ho jaanā

kaun āvāz baras ban ke rahā mahmil-e-nāz
kis kī qismat meñ hai sahrā kī sadā ho jaanā

vo be-niyāz ki dekhī ho jaise ik duniyā
mujhe ye naaz maiñ us kī nazar meñ tanhā huuñ

muskurāhaT vo ki phūloñ pe shakar barsāve
naaz us reshmī māthe pe shikan māñge hai

vafā.eñ mujh se jafā.eñ mujh se adā.eñ har-pal yahī haiñ 'zākir'
kabhī hai ġhamza kabhī hai ishva ye naaz naḳhra tirā qayāmat

ziyāda naaz ab kyā kījiye josh-e-javānī par
ki ye tūfāñ bhī rafta rafta sāhil hone vaalā hai

mire ḳhulūs-e-vafā se abas shikāyat hai
nigāh-e-nāz meñ bhī shān-e-dilbarī na rahī

ḳhūb-rū haiñ saikḌoñ lekin nahīñ terā javāb
dilrubā.ī meñ adā meñ naaz meñ andāz meñ

phir vahī rañg-e-takallum nigah-e-nāz meñ hai
vahī andāz vahī husn-e-bayāñ hai ki jo thā

mukhḌe pe hai gulāl jo us mast-e-nāz ke
rañgīñ hai aks-e-rū se qadah aur qadah se ham