Tags-Naaz

har har adā-o-nāz kī qīmat the jān-o-dil
saude bahut hī mahñge the us kī dukān ke

naaz thā un ko ki har qaid se āzād haiñ vo
maiñ ne kar hī liyā pāband-e-tamannā dil meñ

'qā.em' ho kis tarah se baham shakl-e-iḳhtilāt
vo is ġhurūr-e-nāz meñ ham is hijāb meñ

Thukrā kar naash har iisā kahtā hai naaz se ho barham
uTh jald khaḌe haiñ der se ham kin nīndoñ ġhāfil sotā hai

adam hai ḳhair ḳhvāh jalva ko zindān betābi
ḳhirām naaz barq ḳhirman sa.ī sipand aayā

taġhāful bad-gumānī balki merī saḳht jaanī se
nigāh be hijāb naaz ko biim gazand aayā

pasīne se mire ab to ye rūmāl
hai naqd-e-nāz-e-ulfat kā ḳhazīna

kuchh aa chalī hai aahaT us pā-e-nāz kī sī
tujh par ḳhudā kī rahmat ai dil zarā Thaharnā

ai jān-e-nāz aa jā āñkhoñ kī raah dil meñ
in ḳhushk naddiyoñ se mushkil ho kiyā guzarnā

duur the hosh-o-havās apne se bhī begāna thā
un ko bazm-e-nāz thī aur mujh ko ḳhalvat-ḳhāna thā

us anjuman-e-nāz kī kyā baat hai 'ġhālib'
ham bhī ga.e vaañ aur tirī taqdīr ko ro aa.e

sāthī mire kahāñ se kahāñ tak pahuñch ga.e
maiñ zindagī ke naaz uThāne meñ rah gayā

teġh-e-nafas ko bahut naaz thā raftār par
ho ga.ī āḳhir mire ḳhuuñ meñ nahā kar ḳhamosh

to kyuuñ vo garmī-e-mahfil vo dil-kashī na rahī
niyāz-mand agar jān-e-bazm-e-nāz nahīñ

vo kaun hai jo halāk-e-nigāh-e-nāz nahīñ
maiñ kuchh nahīñ huuñ agar chashm-e-imtiyāz nahīñ

harīm-e-nāz-o-niyāz meñ kyaa, maze mohabbat ke pā rahā huuñ
fasāna-e-aish sun rahā huuñ fasāna-e-ġham sunā rahā huuñ

adā-o-nāz o karishma jafā-o-jaur-o-sitam
udhar ye sab haiñ idhar ek merī jaañ tanhā

chāñdnī husn kī achchhī hai magar naaz na kar
tujh ko is chāñd kā tārīk gahan yaad nahīñ

khul gayā rāz-e-hāl-e-dil jab vo harīm-e-nāz meñ
ham se nazar churā.īye sab se nazar milā ke bhī

be-niyāzī pe tujhe naaz bajā hai lekin
lab pe aa.e na mirā naam kahāñ tak dekhūñ