Tags-Naqab

qarīb-e-naza.a bhī kyuuñ chain le sake koī
naqāb ruḳh se uThā lo tumheñ kisī se kyā

jiyūñ matl.a-e-āftāb-e-tābāñ
tujh mukh pe naqāb ḳhuub hai ḳhuub

kyā karūñ husn kā tasavvur ab
tere chehre pe jab naqāb nahīñ

vo to kahīñ nahīñ the jinheñ DhūñDhtā thā maiñ
jo rah ga.e the zer-e-naqāb ek hī se the

uThā hī deñge naqāb apnī dikhā hī deñge vo apnā jalva
nibhegī kab tak ye lan-tarānī ye lan-tarānī hai aur ham haiñ

chilmanoñ ke is taraf se jagmagātī zindagī
sāmne aa kar naqāb-e-ruḳh ko sarkātī huī

chilmanoñ ke us taraf jagmagātī zindagī
sāmne aa kar naqāb-e-ruḳh ko sarkātī huī

jhāñk kar dekh mirī ruuh kī pahnā.ī meñ
kitne ġham kitne fasāne haiñ barafganda naqāb

naqāb meñ bhī vo jalve na qaid ho paa.e
kiran diloñ ke añdhere ko jagmagā hī ga.ī

ik baar gar vo dekhe tire ruḳh ko be-naqāb
ka.aba-parast hove vahīñ par but-e-farañg

koī dekhe tujhe to kyā dekhe
ki tirā husn hai naqāb tirā

ab aao bhī har taraf takalluf naqāb kaisī kahāñ kā parda
jhukā.e kyuuñ sar ho sharm se tum ayaañ hai ruḳh se hijāb kaisā

maiñ to gayā huā thā hazāroñ naqāb meñ
lekin akelā dekh ke pahchān se ga.e

huī ye hāl-e-zabūñ kī shohrat ki us ne ḳhajlat se muñh chhupāyā
banā hai rañg-e-shikasta merā bahut dinoñ meñ naqāb-e-āriz

ye rañg-e-bazm-e-adū to dekho ki laakh parde kiye haiñ haa.il
naqāb uThā.e vo go haiñ baiThe magar hai ġhairat hijāb-e-āriz

milī na fursat jahāñ ho ġhash se uThī jo kuchh bhī naqāb-e-āriz
magar samajhte nahīñ abhī tak tum apnā jalva hijāb-e-āriz

betābiyoñ ko merī baḌhāne lagī havā
ruḳh se naqāb un kā uThāne lagī havā

ruḳh zulf meñ be-naqāb dekhā
maiñ tīra-shab āftāb dekhā

chhup kar na rah sake nigah-e-ahl-e-fan se ham
mahfil meñ jhāñkte haiñ naqāb-e-suḳhan se ham

girya-o-tabassum to haiñ naqāb chehroñ ke
aa.ine nahīñ hañste aa.ine nahīñ rote