Tags-Nasha

hai yahī rasm-e-mai-kada shāyad
nashsha un kā ḳhumār hai apnā

vo milan kī avvalīñ sā.ateñ vo kisī kā lams ināyateñ
kabhī vo ḳhumār se tar huā kabhī mujh pe nashsha sā chhā gayā

ham ne 'kaifī' ḳhuub hī āñkheñ laḌā.īñ us se kal
kar diyā saarā hiran nashsha nigāh-e-yār kā

kaun se ma.arke ham ne sar kar liye
ye nasha sā hameñ kin takānoñ kā hai

ek vahshat kā baab ḳhatm huā
ek nashsha thā jo utar rahā hai

vahī ās.māñ hai vahī fazā vahī nashsha shaam pe hai bapā
vahī duur shahr se hai jagah vahī sabz farsh hai ghaas kā

mujhe zamāne ne baḳhshī hai vo fareb kī mai
nasha to ek taraf hai ḳhumār bhī to nahīñ

har dam to bharā shīsha jhukātā hai nashe meñ
Dartā huuñ ki terī na muḌak jaa.e kalā.ī

vagarna jiine na degā ġham-e-hayāt kā zahr
kisī ke bhūle hue ġham kā phir nasha kar leñ

shab Dhalī utar gayā phir ishq kā nasha mirā
kyā huā vo der tak usī ko DhūñDhnā mirā

aadat sī hai nashsha na ab kaif
paanī na piyā sharāb pī lī

terī qurbat kā nasha TuuT rahā hai mujh meñ
is qadar sahl na ho tū mirī dushvārī par

'buḳhārī' tum javāñ ho aur javānī ek nashsha hai
tumhārī dāstān-e-ġham mujhe sun kar ta.ajjub hai

kūcha tirā nashe kī ye shiddat jahāñ se laag
allāh hī nibāhe miyāñ aaj ghar talak

raat tiryāk nasha ne to ulaT Daalā vaah
koī gholā to vo thā kāsa-e-sam yā ma.abūd

jald phaTkāriye sabze ke nashe ko koḌā
khīñchiye aur koī sulfe kā dam yā ma.abūd

paḌī hai maar jab se vaqt kī Darne lagā huuñ maiñ
chaḌhā thā jo javānī kā nasha pal meñ utar aayā

nashsha jis vaqt bhī TūTegā, ka.ī andeshe
sub.h-e-lab-basta ke siine meñ utar ā.eñge

na jaane kaun sā nashsha hai un pe chhāyā huā
qadam kahīñ pe haiñ paḌte kahīñ pe chalte haiñ

bikhar bikhar gayā ik mauj-e-rā.egāñ kī tarah
kisī kī jiit kā nashsha kisī kī maat ke saath