Collections

Lab Shayari

Motivational Ghazals

Best Khamoshi Shayari

More Collections

Tags-Nasha

talāsh-e-tishna-labī meñ vo nashsha thā ki hameñ
nasīb meñ the jo labrez jaam bhuul ga.e

nahin hai yun ki use hum tamam bhul gae

tamām-tar usī ḳhāna-ḳharāb jaisā hai
mire lahū kā nasha bhī sharāb jaisā hai

tamam-tar usi KHana-KHarab jaisa hai

hijr kā māhtāb hai niiñd na koī ḳhvāb hai
tishna-labī sharāb hai nashshe meñ mast 'amīr-imām'

waqt ki intiha talak waqt ki jast amir-imam

ik mulāqāt ne dil par kiyā aisā jaadū
phir na utrā vo nasha laakh siyāne badle

tir pe tir nishanon pe nishane badle

tahlīl mausamoñ meñ kar ke ajab nasha sā
phailā huā hai har-sū kuchh din se rat-jagā sā

tahlil mausamon mein kar ke ajab nasha sa

chashm par nashsha-e-sāqī jo rahī aks-fagan
chuur mastī se har ik sāġhar-e-sarshār rahā

yusuf-e-husn ka husn aap KHaridar raha

tum apne ġham kī talḳhī bhī milā do
sharāb-e-zindagī meñ hai nasha kam

inayat kam mohabbat kam wafa kam

nashsha āñkhoñ meñ le kar so raho ai jāgne vaalo
agar ye aañkh khul jaa.e to ḳhvāboñ kā guzar kyuuñ ho

shikasta-dil andheri shab akela rahbar kyun ho

nasha uḌaan kā aise utarne vaalā nahīñ
kuchh aur vazn mire bāl-o-par meñ rakkhā jaa.e

hawa ka hukm bhi ab ke nazar mein rakkha jae

izāla kaise karegā vo apnī bhūloñ kā
ki jis ke ḳhuun meñ nashsha nahīñ usūloñ kā

bajae gul mujhe tohfa diya babulon ka

ye bhī nashe meñ kyuuñ na mire saath chuur ho
saaqī ḳhudā ke vāste rakh de gilās paas

rahte hain is tarah se gham-o-yas aas-pas

ajab nasha thā magar us kī baḳhshish-e-lab meñ
ki yuuñ to ham se bhī kyā kyā na vo suḳhan meñ khulā

KHumar-e-mausam-e-KHushbu had-e-chaman mein khula

ai dost pahle qurb kā nashsha ajiib thā
maiñ sun sakā na apne badan kī pukār bhī

aaya hai har chaDhai ke baad ek utar bhi

mai-e-islām kā bhalā 'jauhar'
nashsha chaḌh kar kahīñ utartā hai

gila ai dil abhi se karta hai

huā chalī to nasha chhā gayā fazāoñ meñ
ḳhayāl Duub gayā duur kī sadāoñ meñ

hua chali to nasha chha gaya fazaon mein

siDaul paañv subuk sohnā sajal naañv
nasha-tarāz-badan mohnā madhūrat hai

tu dard-e-taza ke unwan ki mahurat hai

tumhārī yaad nikaltī nahīñ mire dil se
nasha chhalaktā nahīñ hai sharāb se bāhar

hum ek din nikal aae the KHwab se bahar

ġham-e-duniyā bhī ġham-e-yār meñ shāmil kar lo
nashsha baḌhtā hai sharābeñ jo sharāboñ meñ mileñ

ab ke hum bichhDe to shayad kabhi KHwabon mein milen

jaane vaale aur kuchh din sog karnā hai tirā
zehn-o-dil se phir ye nashsha bhī utar jaane ko hai

duniya apni maut jald-az-jald mar jaane ko hai

ab bhī vo mere ham-safar haiñ ravish-e-ḳhayāl par
ab vo nasha hai hijr meñ thā jo kabhī visāl meñ

yun to wo shakl kho gai gardish-e-mah-o-sal mein