Tags-Nasha

kitnā saada thā vo imkāñ kā nasha
ek jhoñke ko havā likh denā

havā meñ nashsha hī nashsha fazā meñ rañg hī rañg
ye kis ne pairahan apnā uchhāl rakkhā hai

na jaane sohbatoñ meñ is kī kaisā hai nasha
ki dar se har ik shaḳhs jhūmtā uThe

chaḌhā huā thā vo nashsha ki kam na hotā thā
hazār baar ubhartā thā Dūbtā thā maiñ

nasha chaḌhne lagā hai aur chaḌhnā chāhiye bhī thā
abas kā nirḳh to is vaqt baḌhnā chāhiye bhī thā

mai-e-ishq josh-zan hai ye lahū nahīñ ragoñ meñ
mirā nashsha kyuuñ utartā mujhe kyuuñ ḳhumār hotā

nashsha baḌhtā hai hameñ der meñ mai-noshī ke ba.ad
us kī gunjān ḳhamoshī kī navā-noshī se

nashsha-e-yār kā nasha mat pūchh
aisī mastī kahāñ sharāboñ meñ

na atā-e-duḳhtar-e-raz hai ye na hai faiz-e-sāqī-e-mai-nafas
jo chaḌhe to phir na utar sake ye nasha hai fan kī sharāb kā

tumheñ hai nashsha javānī kā ham meñ ġhaflat-e-ishq
na iḳhtiyār meñ tum ho na iḳhtiyār meñ ham

ab koī aur hī shai vaj.h-e-nashāt-e-dil ho
nashsha-o-kaif-e-sharar ab na sharāboñ meñ rahā