Tags-Nasha

baabā alif ne shab kahā nashsha-ba-nashsha kar gile
jur.a-ba-jur.a rañj hai jām-ba-jām rañj hai

us chhalakte se samundar meñ nasha hai aaj tak
jhuum kar barsā hai pāgal uf ye bādal kaun hai

paas hī rahtā vo har dam sehr ho yā ho nashā
ḳhushbū jaisā hai havāoñ meñ musalsal kaun hai

uThne vaalī hai koī dam meñ sitāroñ kī bisāt
aur kuchh der kā nashsha hai utar jaane do

bāda-kash vo huuñ karūñ shīshe ke shīshe ḳhālī
par lagā.ūñ yahī raT nashshe meñ haañ hai kuchh aur

nasha nasha sā havā.eñ rachā.e phirtī haiñ
khilā khilā sā hai mausam tire sañvarne kā

phir yuuñ huā thakan kā nasha aur baḌh gayā
āñkhoñ meñ Dūbtā huā jaada lagā hameñ

nasha TuuTā nahīñ hai maar khā kar
ki ham ne pī hai kam khaa.ī bahut hai

duḳhtar-e-raz misl-e-aflātūñ hai jab tak ḳhum meñ hai
nashshe meñ apne se bāhar hoñ ye dānā.ī nahīñ

nashshe meñ zinda haiñ hai īsā-nafas apnā ḳhumār
jaan a.azā meñ chalī aatī hai añgḌā.ī nahīñ

chaḌhā huā koī dariyā ho yā ki nashsha ho
'yashab' kabhī na kabhī to utar hī jaatā hai

'bahr' kyā nashshe meñ ḳhush aate haiñ
nahr-e-gulshan ke daar paar daraḳht

Dubo.e detā hai ḳhud-āgahī kā baar mujhe
maiñ Dhaltā nashsha huuñ mauj-e-tarab ubhār mujhe

nasha kisī se bhī le luuñ 'shu.ūr' aaj magar
vo roz-e-abr-o-shab-e-mahtāb kis se luuñ

kisī tarah to numā.ish kā ye nasha utre
kisī tarah to dikhāve kī zindagī kam ho

nashsha zamīñ se sū-e-falak le uḌā mujhe
saaqī sharāb ne mirī miTTī ḳharāb kī

ġham-e-duniyā bhī ġham-e-yār meñ shāmil kar lo
nashsha baḌhtā hai sharābeñ jo sharāboñ meñ mileñ

tamām umr ḳhud apne pe zulm dhāte rahe
mohabbatoñ kā asar thā ki koī nashsha thā

ḳhabar hī nahīñ kaise añgḌā.ī le kar nigāheñ uThā.e ki sāġhar uThā.e
kuchh aisā nasha chhā gayā zindagī par sambhalte sambhalte qadam Dagmagā.e

manzil kā nashsha qurbat-e-manzil na chhīn le
apnī galī meñ aa ke hī rasta na bhuul jaa.e