Tags-Nasha

sher kī duniyā se maiñ bāhar niklūñ bhī to kyuuñ niklūñ
nashsha jab utregā merā merī ḳhumārī baiThegī

mashām-e-jāñ na mo.attar ho jis se vo gul kyā
jo nashsha lā na sake vo sharāb hī kyā hai

zindagī meñ bhī rahā zauq-e-fanā kā maarā
nashsha baḳhshā ġhazab us sāġhar-e-ḳhālī ne mujhe

laġhzisheñ jā.eñgī jaate jaate
nashsha maanā ki utar jaanā hai

nashsha-e-ilm kī ummīd pe jiine vaale
simaT aate haiñ sar-e-shām se piine vaale

ġhazal kā husn hai aur giit kā shabāb hai vo
nasha hai jis meñ suḳhan kā vahī sharāb hai vo

TūTte haiñ ki nasha TūTtā hai
ḳhud se milne meñ aziyyat hī sahī

nashshe ke parde meñ hai mahv-e-tamāshā-e-dimāġh
bas-ki rakhtī hai sar-e-nash-o-numā mauj-e-sharāb

pī ke sarshār bhī huuñ pyāsā bhī
tishnagī bhī ho tum nasha bhī ho

shā.er ko mast kartī hai tārīf-e-sher 'amīr'
sau botaloñ kā nashsha hai is vaah vaah meñ

har lamha ehsās kī sahbā ruuh meñ Dhaltī jaatī hai
ziist kā nashsha kuchh kam ho to ho aa.eñ mai-ḳhāne log

tum bhulā.e bhulā nahīñ saktīñ
maiñ nasha vo nahīñ utar jā.ūñ

bismil ke taḌapne kī adāoñ meñ nasha thā
maiñ haath meñ talvār liye jhuum rahā thā

nasha chaḌhā to zabāñ par na iḳhtiyār rahā
vo munkashif hue ḳhud apnī bāda-noshī meñ

ġhurūr-e-vaqt se nashsha huā sivā 'sābir'
mirī anā thī purānī sharāb kī sūrat

chashm-e-ḳhūbāñ mai-farosh-e-nashshah-zār-e-nāz hai
surma goyā mauj-e-dūd-e-shola-e-āvāz hai

namāz laḌkī mohabbat ḳhudā zarūrī hai
kisī bhī chiiz kā nashsha baḌā zarūrī hai

kaun haiñ kis jagah haiñ ki TuuTā hai jin ke safar kā nasha
ek Duubī sī āvāz aatī hai paiham ki ghar jā.eñge

vo kisī kā bhī koī nashsha na bujhne detā
dekh letā kahīñ imkāñ to havā detā thā