Tags-Nasha

nashsha sā Doltā hai tire añg añg par
jaise abhī bhigo ke nikālā ho jaam se

nas nas meñ nasha pyaar kā ma.amūr huā hai
dil tere milan ke liye majbūr huā hai

nazar kā nashsha badan kā ḳhumār TuuT gayā
ki ab vo ā.īna-e-e'tibār TuuT gayā

mai ko mire surūr se hāsil surūr thā
maiñ thā nashe meñ chuur nasha mujh meñ chuur thā

le uḌā nashsha ḳhayāl-e-yār kā
aa ga.iiñ ham ko falak-paimā.iyāñ

na basar hovegī be-nashsha qadah-ḳhvāroñ kī
ho agar mai kī munādī hai falak sair to hai

nasha meñ sūjhtī hai mujhe duur duur kī
naddī vo sāmne hai sharāb-e-tuhūr kī

do-bālā kyuuñ na ho nashsha dil-e-hairāñ kī hairat kā
jo tujh ko sab meñ aur tere meñ sab ko barmalā paayā

siine meñ ubharte hue sūraj kā talātum
āñkhoñ meñ tirī Dūbtī rātoñ kā nasha thā

vo hai sar-tā-pā mujassam ik francisi sharāb
nashsha ban kar jism us kā zehn par bhī chhā.egā

'fazā' hameñ to hai kaafī yahī ḳhumār-e-vajūd
hai be-sharāb bhī hāsil nasha bahut gahrā

kyuuñ kāTtī nahīñ hai mirā dard mauj-e-mai
kyā ai sharāb tujh meñ nasha hī nahīñ rahā

nashsha-e-shauq hai fuzūñ shab ko abhī sahar na kar
dekh hadīsh-e-dil-barāñ itnī bhī muḳhtasar na kar

nashshe meñ jī chāhtā hai bosa-bāzī kījiye
itnī ruḳhsat dījiye banda-navāzī kījiye

mai-kashoñ ko nashsha ho jaatā hai be-jām-o-subū
husn kī vo dil-fareb añgḌā.iyāñ dehlī meñ haiñ

sajde karte haiñ ḳhum-e-mai ko vufūr-e-nashshā meñ
sūrat mīnā-e-mai maddāh shān-e-mai-farosh

shaam to jaise ḳhvāb meñ guzrī
aadhī raat nasha TuuTā thā

jaise kisī taḳhlīq ke lamhe karb kī lazzat
jaise ḳhvāb meñ vasl kā nashsha

mujhe sāqī-e-chashm-e-yār ne ajab ek jaam pilā diyā
ki nashe ne jis ke ġham-e-jahāñ mire dil se saaf bhulā diyā

'hafīz' is na.e daur meñ tujh ko fan kā
nasha hai to pyāre utāre chalā chal