Tags-Nazakat

nazākat sar se paañv tak paḌī qurbān hotī hai
ilāhī us badan ko tū ne kis sāñche meñ Dhālā hai

jo saḳht baat sune dil to TuuT jaatā hai
is ā.īñe kī nazākat kisī ko kyā ma.alūm

kis intihā kī nazākat hai mere sheroñ meñ
nazar lage na kahīñ un ko nukta-chīnoñ kī

shabnam kī sifat sho.ala-mizājoñ ko nahīñ deñ
ye us kī nazākat ko gavārā na kareñge

badal dete haiñ ḳhāroñ kī ḳhalish gul kī nazākat se
zabāñ shabnam kī sho.aloñ ko sikhāte haiñ ġhazal vaale

ho ga.ī fart-e-nazākat se hayā kī shohrat
aa gayā un ko pasīna jo laḌī merī aañkh

is nazākat kā burā ho vo bhale haiñ to kyā
haath aaveñ to unheñ haath lagā.e na bane

aTkheliyāñ na kar tū nasīm-e-sahar ki hai
rag rag meñ un guloñ kī nazākat bharī huī

ḳhud nazākat pe na kyuuñ bojh ho pardā terā
kyā kisī aañkh ne dekhā nahīñ jalva terā

garche rakhte haiñ nazākat ye sabhī mū-kamrāñ
vo nazākat hai judī aur vo miyāñ aur hī hai

kyā niDar ho ke shab-e-vasl vo aa baiThe haiñ
jānte haiñ ki bachā legī nazākat merī

vo bhī ġhayūr o sharmgīñ dil bhī nazākat-āfrīñ
choT lagī hai baat se baat baḌhī hai baat par

allāh-re us gul kī kalā.ī kī nazākat
bal khā ga.ī jab bojh paḌā rañg-e-hinā kā

nahīñ nazākat se ham meñ tāqat uThā.eñ jo nāz-e-hūr-e-jannat
ki nāz-e-shamshīr-e-pur-nazākat ham apne sar par uThā chuke haiñ

detī nahīñ nazākat use hukm qatl kā
jaatā huuñ dauḌ dauḌ ke jallād kī taraf

kis nazākat se hai dekho ittihād-e-husn-o-ishq
zulf vaañ shāne ne khīñchī dard hai yaañ shāna meñ

paḌā donoñ zulfoñ kā un kī jo aks
nazākat se dohrī kamar ho ga.ī

achchhī nahīñ nazākat-e-ehsās is qadar
shīsha agar banoge to patthar bhī aa.egā

uf-re vo nazākat lahje kī bāteñ jo nikaltī haiñ muñh se
yā chāñd kī kirneñ hotī haiñ yā barf ke gaale hote haiñ

tirā ehsās bhī hogā kabhī merī tarah patthar
nikal jā.egī ā.īne se parchhā.īñ nazākat kī