Tags-Nazakat

nazākat kostī hai mujh ko kyā kyā
tabī.at aa.ī achchhī nāznīñ par

hai farq baḌā ai jān-e-'razā' dil dene meñ dil lene meñ
ulfat kā ta.alluq jaan ke bhī rishte kī nazākat kyā jaano

rahā ye paas hameñ aap kī nazākat kā
ki dil kā ḳhuun huā muñh se aah kar na sake

rañg lā.egī nazākat baḌh kar
phuul ke baar se pattā.iyegā

dekh tujh naaz kī nazākat kuuñ
nighat-e-gul shahīd-e-hairat hai

mire ġham meñ vo majbūrī se un hāloñ ko pahuñche haiñ
ki ab un kī nazākat nā-tavānī hotī jaatī hai

qayāmat aan hai is vaqt meñ un par nazākat kī
dekho aa.ī haiñ dikhne kis jhamak siiñ ye chhināl añkhiyāñ

allāh re mire dil kī nazākat kā taqāzā
tāsīr-e-mohabbat se bhī ham kaam na lete

pasīna aa gayā un ko kiyā va.ada jo aane kā
burī hai naaz bardārī nazākat aa hī jaatī hai