Tags-Nazara

parvīn ke ġhusl kā laḌke bhī chhup chhup ke nazāra karte haiñ
vo swimming pool ke sat.h-e-āb pe kañkar maarā karte haiñ

nazar meñ jitnī hairānī hai utnā
anokhā to nazāra bhī nahīñ hai

koī ḳhush-qāmatī ā.īne ke muqābil sambhaltī huī
koī tadbīr-e-nazzāra simTī huī ik adā ke liye

apnī qismat kā bulandī pe sitāra dekhūñ
zulmat-e-shab meñ yahī ek nazāra dekhūñ

hotī thī jise dekh ke sarshār tabī.at
āñkhoñ meñ vo sarsabz nazāra bhī nahīñ hai

bhuul jaa.eñ ham use aisā nazāra to nahīñ
yaad par aatā rahe ye bhī gavāra to nahīñ

sone meñ nazzāra kar luuñ rū-e-ālam-tāb kā
ḳhauf kyā duzd-e-nigah ko hai shab-e-mahtāb kā

ma.ashūq kā nazāra mayassar ho yā na ho
āshiq hamesha tālib-e-dīdār hī bhalā

tā-kujā āvāra-e-nazzāra chashm-e-husn-e-dost
jam.a ik markaz pe kyuuñ kar husn-e-ālam kījiye

tum ko rimjhim kā nazāra jo lagā hai ab tak
ham ne jalte hue āñkhoñ se guzāre aañsū

aao ki tamannāoñ meñ hai tāb-e-nazāra
ye dil hai mirā vādī-e-aiman to nahīñ hai

hayā-ālūd āñkheñ haiñ na āñchal hai na chilman
ye kis vīrān duniyā kā nazāra ho rahā hai

mahfūz merī āñkheñ meñ ruḳhsat kā vaqt hai
in donoñ khiḌkiyoñ se nazāra nahīñ gayā

añgāroñ pe loTeñge par un shola-ruḳhoñ ke
nazzāra se ham aañkh bhī señkā na kareñge

shauq-e-nazzāra salāmat hai to dekhā jā.egā
un ko parda hī agar manzūr hai pardā kareñ

ḳhumār-e-ḳhvāb utarne meñ thoḌī der lagī
phir us ke baad baḌe shauq se nazāra kiyā

da.avat-e-nazzāra de kar aisā vo ġhā.eb huā
merī āñkhoñ ne dobāra phir use dekhā nahīñ

nahīñ hai tāb-e-nazzāra hī 'āftāb' husain
vagarna dahr meñ kyā kyā hai dekhne ke liye

sharārat kā ye nazzāra mirī hairat kā sāmāñ thā
ki is parda ke andar terā rāz-e-ishq uryāñ thā

ba-zāhir jo nazar aate ho tum masrūr aisā kaise karte ho
batānā to sahī vīrāni-e-dil kā nazāra kaise karte ho