Tags-Nazara

na shauq-e-nazzāra mujh se pūchho ye kah ke sotā huuñ roz shab ko
uThūñ jo maiñ sub.h ko ilāhī to muñh dikhānā kisī hasīñ kā

hai jo hasrat to sarāpā chashm hone kī hameñ
hāsil is ā.īna-ḳhāna meñ faqat nazzāra thā

ajnabī chehroñ ke pīchhe hai chhipī rah aatmā
un nazāroñ se udhar hai ik nazāra DhūñDhnā

ik nazar tishna-e-nazzāra hī rakh lenī hai
ik tamāshe meñ tamāshā bhī nahīñ chāhiye hai

shikast-e-zauq-e-nazzāra muqaddar hī sahī 'ġhausī'
unheñ dekheñge phir bhī tā-ba-imkāñ dekhne vaale

lutf-e-nazzāra hai ai dost isī ke dam se
ye na ho paas to phir raunaq-e-duniyā kyā hai

ā.īna haath meñ hai husn kā nazzāra hai
un se kah do mirī hālat nazar-andāz na ho

kahīñ surāġh nahīñ hai kisī bhī qātil kā
lahūluhān magar shahr kā nazāra hai

ġham-e-zamīñ se yahāñ fursat-e-nazāra kise
galī meñ tum bhī chale aao baam par kyuuñ ho

zehn māyūs-e-karam shauq-e-nazāra sarshār
hosh meñ kaise rahūñ un kā payām aane tak

ham aise mahv-e-nazāra na the jo hosh aatā
magar tumhāre taġhāful ne hoshyār kiyā

kahāñ kā tuur mushtāq-e-laqā vo aañkh paidā kar
ki zarra zarra hai nazzāra-gāh-e-husn-e-jānāna

DhūñDte hī rahe ghar meñ koī khiḌkī na milī
ham ne chāhā jo kabhī un kā nazāra kar leñ

ham ziist kī maujoñ se kinārā nahīñ karte
sāhil se samundar kā nazāra nahīñ karte

harīm-e-nāz kī ḳhalvat meñ dastaras hai kise
nazāra-hā-e-sar-e-rah-guzar kī baat karo

kal kahāñ bichārī bulbul aur kahāñ bechārā gul
aaj bulbul diid kar le baaġh kī nazzāra gul

dam-e-nazāra merī hairatoñ pe ġhaur na kar
ki merī aañkh azal yūñhī savālī hai