Collections

Lab Shayari

Motivational Ghazals

Best Khamoshi Shayari

More Collections

Tags-Nazara

raat phir ḳhvāb meñ aane kā irāda kar ke
chāñd Dubā hai abhī mahv-e-nazāra kar ke

raat phir KHwab mein aane ka irada kar ke

kunj-e-zindāñ meñ paḌā sochtā huuñ
kitnā dilchasp nazāra hogā

kunj-e-zindan mein paDa sochta hun

fursat-e-nazzāra kab hāsil huī 'farhat' mujhe
huuñ asīr-e-kār-gāh-e-husn-e-jānāna abhī

ek jalwa ek naghma ek paimana abhi

aañkh kyā aañkh nahīñ tāb-e-nazāra jis ko
dil vo kyā dard-e-mohabbat kā jo hāmil na huā

munfarid to hai tera koi muqabil na hua

terā kūcha hai misr-e-nazāra
ki palaT kar nazar nahīñ aatī

hai bhi aur phir nazar nahin aati

yūsuf ko kabhī muft bhī letī na 'zuleḳhā'
nazzāra jo kartī sar-e-bāzār tumhārā

KHush-rang hai gul se gul-e-ruKHsar tumhaara

nazāra karūñ kaise tirī jalvagarī kā
parda abhī haa.il hai mirī be-basarī kā

nazara karun kaise teri jalwagari ka

zarā sī der ko chamkā thā vo sitāra kahīñ
Thahar gayā hai nazar meñ vahī nazāra kahīñ

zara si der ko chamka tha wo sitara kahin

nazar-navāz nazāra badal na jaa.e kahīñ
zarā sī baat hai muñh se nikal na jaa.e kahīñ

nazar-nawaz nazara badal na jae kahin

junūñ pe jabr-e-ḳhirad jab bhī hoshyār huā
nazar ke saath nazāra bhī sharm-sār huā

junun pe jabr-e-KHirad jab bhi hoshyar hua

husn jab tak rahā nazzāra-farosh
sabr kī sharmsāriyāñ na ga.iiñ

KHub-ruyon se yariyan na gain

use chhuā to vo gum ho gayā havā kī tarah
ajab nazāra thā zāhir meñ bhī nihāñ niklā

wahi zamin wahi sar pe aasman nikla

na dāman-gīr-e-dil ho nā-ḳhudā phir koī nazzāra
ḳhudā ke vāste kashtī baḌhā āġhosh-e-sāhil se

jala hai hae kis jaan-e-chaman ki sham-e-mahfil se

ye kyā mājrā hai musībat hai kaisī
jahāñ jaa.eñ nazreñ vahīñ vo nazāra

palaT kar na dekhenge tumko dobara

aao kuchh jashn-e-shahādat hī meñ shirkat ho jaa.e
apnī khiḌkī hī se maqtal kā nazāra dekheñ

kis ko hai husn-e-KHuda-dad ka dawa dekhen

umr bhar tujh ko dekhne par bhī
zauq-e-nazzāra kam nahīñ hotā

umr bhar tujhko dekhne par bhi

nazar hai, magar vo nazar kyā ki jis ne
ḳhud apnī nazar kā nazāra na dekhā

gagan mein jab apna sitara na dekha

bas ik zaḳhm-e-nazzāra hissa mirā
bahāreñ tirī āshiyāne tire

wo baaten teri wo fasane tere

kartā huuñ kabhī chashm-e-taḳhayyul se nazāra
hotā hai kabhī tujh pe mohabbat kā gumāñ bhī

go husn ki surat hain meri samt rawan bhi

dil mudda.ī o diida banā mudda.ā-alaih
nazzāre kā muqaddama phir rū-ba-kār hai

jis ja nasim shana-kash-e-zulf-e-yar hai