Tags-Neend

vo raat niiñd kī dahlīz par tamām huī
abhī to ḳhvāb pe ik aur ḳhvāb dharnā thā

raat ab lauT chalī niiñd se jaagā jaa.e
apne kho.e hue sūraj ko pukārā jaa.e

be-adab sitāroñ ne
niiñd meñ muḳhil ho kar

fasīl-e-sarhad-e-māzī dhaḌakne lagtī hai
jo ḳhvāb niiñd kā dar khaTkhaTāne lagte haiñ

khulīñ jo niiñd se āñhkeñ hamārī yaañ 'āzar'
guzar chukā thā zamāna bhī ḳhvāb mausam kā

phir vahī shaḳhs mire ḳhvāb meñ aayā hogā
niiñd meñ us ne hī āñkhoñ ko rulāyā hogā

maiñ niiñd kā dar khole hue huuñ tirī ḳhātir
har ḳhvāb mirā terī sahūlat ke liye hai

ḳhvāb sharminda-e-visāl huā
hijr meñ niiñd aa ga.ī thī mujhe

āñkhoñ ke ghar meñ aa.ī nahīñ raushnī 'kuñvar'
TuuTā hai phir se niiñd kā taalā to kyā huā

koī aalam ho najāt-e-ġham-e-daurāñ ke liye
maut ho niiñd ho be-hoshī ho

ḳhvāb to mujh ko mele tak le aa.e the
niiñd ke bāhar to vo hī vīrāna thā

jo mujh meñ baiThā uḌātā rahtā hai niiñd merī
mujhe ab us aadmī ko bāhar nikālnā hai

raat kī niiñd uḌ ga.ī din kā sukūn luT gayā
terī nigāh-e-nāz ne kar diyā dil pe kyā asar

is ālam-e-hairat-o-ibrat meñ kuchh bhī to sarāb nahīñ hotā
koī niind misāl nahīñ bantī koī lamha ḳhvāb nahīñ hotā

ishq ko niiñd aa ga.ī vaqt pe os paḌ ga.ī
apne junūñ ke dasht meñ dhuup javāñ hai aaj bhī

maiñ apnī añgusht kāTtā thā ki biich meñ niiñd aa na jaa.e
agarche sab ḳhvāb kā safar thā magar haqīqat meñ aa basā huuñ

niiñd uḌne kā maza tū bhī chakhā de un ko
chaal makkār sitāroñ kī ulaT kar so jā

mirī navā se tirī niind bhī sulag uThtī
zarā sā is meñ sharāroñ kā rañg bharnā thā

āsebī sī sham.eñ le kar sayyāroñ meñ ghuum ga.ī
koī havā aisī hai ki duniyā niiñd meñ uTh kar chaltī hai

niiñd ko ham kabhī zaa.e.a nahīñ hone dete
le ke bistar se hasīñ ḳhvāb uThā karte haiñ