Tags-Neend

ek bhī patthar na aayā raah meñ
niiñd meñ ham umr bhar chalte rahe

maiñ niiñd meñ thā ki sargoshiyoñ ke raqs meñ thā
udhar thī nāqa-e-umr-r-ravāñ ko ujlat bhī

jāgtā hai phir bhī āñkhoñ meñ hai manzar niiñd kā
ḳhvāb kī sūrat huuñ us ke har taraf phailā huā

kitnā āsān thā bachpan meñ sulānā ham ko
niiñd aa jaatī thī pariyoñ kī kahānī sun kar

jāgte meñ so rahā thā un ke jazboñ kā shu.ūr
niiñd us kī hai magar us meñ hamāre ḳhvāb haiñ

kyā pata
niind kā ūñchā makāñ raushniyoñ se sajā

roz raat ko yūñhī
niiñd merī āñkhoñ se

raat ḳhūb-sūrat hai
niiñd kyuuñ nahīñ aatī

tark-e-ādat se mujhe niind nahīñ aane kī
kahīñ nīchā na ho ai gor sirhānā terā

usī se pūchho use niiñd kyuuñ nahīñ aatī
ye us kā kaam nahīñ hai to merā kaam hai kyā

ab to is niiñd meñ chalte hue uktā ga.e ham
ab to behtar hai kisī moḌ pe Thokar aa.e

kyuuñ niiñd uḌātā hai vo 'barqī' kī ab us se
vo vāda-e-fardā jo nibhā bhī nahīñ saktā

qat.a kartā hai mire halqa-e-vīrānī ko
niiñd jo moḌ pas-e-ḳhvāb sirā kāTtī hai

har raat us kī bāteñ sun kar tujh ko niiñd aatī hai 'zafar'
har raat usī kī bāteñ chheḌeñ ye to ajab biptā sī hai

bedāriyoñ ke saath thā hañgāma-e-hayāt
niiñd aa ga.ī to saare masā.il nipaT ga.e

niiñd TuuTī hai to ehsās-e-ziyāñ bhī jaagā
dhuup dīvār se āñgan meñ utar aa.ī hai

makīñ jab niiñd ke saa.e meñ sustāne lageñ 'tābish'
safar karte haiñ bastī ke makāñ āhista āhista

ḳhvāb us ke haiñ jo churā le jaa.e
niiñd us kī hai jo uḌā le jaa.e

niiñd palkoñ pe yuuñ rakhī sī hai
aañkh jaise abhī lagī sī hai

jo rotā huuñ to hañstā hai zamāna
jo sotā huuñ to niiñd aatī nahīñ hai